თბილისი, 17 ოქტომბერი — Sputnik. საქართველოს პირველმა ჩოგანმა ნიკოლოზ ბასილაშვილმა ანტვერპენში АТР 250 სერიის ტურნირში მონაწილეობა ტრავმის გამო ვერ შეძლო.
პირველ წრეში ქართველი სპორტსმენის მოწინააღმდეგე საფრანგეთის წარმომადგენელი 35 წლის ჟიულენ ბენეტო (93) იყო. სასტარტო სეტის წაგების შემდეგ (4:6) ბასილაშვილმა სამედიცინო შესვენება აიღო, რის შემდეგაც შეხვედრის გაგრძელება ვეღარ მოახერხა.
თუ რა სახის ტრავმა მიიღო ბასილაშვილმა, ცნობილი არ არის.
მიუხედავად იმისა, რომ ბასილაშვილი ტურნირიდან ადრეულ სტადიაზე მოიხსნა, მან დაახლოებით ექვსი ათასი ევროს გამომუშავება შეძლო.
ანტვერპენში ტურნირი 22 ოქტომბრამდე გაგრძელდება. მისი საერთო საპრიზო ფონდი 590 ათასი ევროა, მოქმედი გამარჯვებული კი ფრანგი რიშარ გასკეა (28).