თბილისი, 22 მაისი – Sputnik. საქართველოს 20 წლამდე მორაგბეთა ნაკრები ლისაბონში მიმდინარე ჯუნიორთა შორის მსოფლიო თასის ფინალში გავიდა, რომელმაც ჯგუფური ეტაპი პირველ ადგილზე დამარცხების გარეშე დასრულა.
გადამწყვეტ მატჩში ქართველმა მორაგბეებმა ტურნირის მასპინძლები ანგარიშით 19:11 დაამარცხეს. კარგი მცდელობები ჰქონდათ ოთარ გიორგაძეს, ანზორ სიჭინავას და რეზი ჯინჭველაშვილს. ამ უკანასკნელმა შეტევა წარმატებით დაასრულა.
ფინალური თამაში, რომელშიც საქართველოს ნაკრების მეტოქე კანადის გუნდი იქნება, 24 მაისს გაიმართება.
