„ნონა გილოცავ..." – რა საჩუქარი მიიღო გაფრინდაშვილმა ლიონელ მესისგან

© photo: Georgian Chess Federation / FBნონა გაფრინდაშვილი
ნონა გაფრინდაშვილი - Sputnik საქართველო, 1920, 18.06.2021
გამოწერა
ქართველ მოჭადრაკეს, რომელიც მესის და, ზოგადად, ფეხბურთის დიდი გულშემატკივარია, დაბადების დღეზე არგენტინელმა ფეხბურთელმა სიურპრიზი მოუმზადა.

თბილისი, 18 ივნისი — Sputnik. ესპანეთის „ბარსელონისა" და არგენტინის საფეხბურთო ნაკრების კაპიტანმა ლიონელ მესიმ ცნობილ ქართველ მოჭადრაკეს, ხუთგზის მსოფლიო ჩემპიონს ნონა გაფრინდაშვილს საკლუბო მაისური აჩუქა საკუთარი ავტოგრაფით, იუწყება საქართველოს ჭადრაკის ფედერაცია.

ნონა გაფრინდაშვილი - Sputnik საქართველო, 1920, 03.05.2021
ირაკლი ღარიბაშვილი ნონა გაფრინდაშვილს 80 წლის იუბილეს ულოცავს

ნონა გაფრინდაშვილი ფეხბურთის და, კერძოდ, არგენტინელი ფეხბურთელის დიდი გულშემატკივარია. მიმდინარე წლის 3 მაისს ლეგენდარულ ქართველ მოჭადრაკეს 80 წელი შეუსრულდა. იუბილესთან დაკავშირებით მესიმ გაფრინდაშვილს საჩუქრად საკუთარი მაისური გამოუგზავნა.

„ჩემთვის ეს საჩუქარი სრული მოულოდნელობა იყო. მაისურზე აწერია: „ნონა, გილოცავ დაბადების დღეს – ლეო მესი". ჩემს მუზეუმში ეს მაისური განსაკუთრებულ ადგილს დაიკავებს", – განაცხადა გაფრინდაშვილმა.

იმის შესახებ, რომ ნონა გაფრინდაშვილი მისი თაყვანისმცემელია, მესიმ ფიდეს ხელმძღვანელობისგან გაიგო. სიურპრიზის ინიციატორი ფიდეს ვიცე-პრეზიდენტი აკაკი იაშვილი გახდა.

ყველა ახალი ამბავი
0