23:04 28 ივლისი 2021
პირდაპირი ეთერი
  • EUR3.6409
  • 100 RUB4.1895
  • USD3.0892
საზოგადოება
მოკლე ბმულის მიღება
კორონავირუსი საქართველოში: ბოლო ცნობები (971)
90 0 0

მედიკოსების განმარტებით, ვაქცინირებულ მოქალაქეებს კორონავირუსის ინფექცია გაცილებით მსუბუქ ფორმებში გადააქვთ.

თბილისი, 15 ივნისი — Sputnik. საქართველოში კორონავირუსის საწინააღმდეგო ვაქცინის ორი სრული დოზა 69.197-მა მოქალაქემ გაიკეთა, მათგან 0,2% დაინფიცირდა, განაცხადა ბრიფინგზე დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

ამ დროისათვის საქართველოში ვაქცინაცია ჩატარებული აქვს 212.163 ადამიანს, ერთი დოზით აცრილ პირთა შორის ინფიცირების მაჩვენებელი 0,8%-ია.

გამყრელიძის თქმით, ვაქცინირებულთა დიდმა ნაწილმა დაავადება მსუბუქ ფორმაში გადაიტანა.

ქვეყნის მთავარმა ეპიდემიოლოგმა ასევე განმარტა, რომ მოქალაქეებს, ვინც ვირუსი უკვე გადაიტანა, ვაქცინის გაკეთება ინფექციის გადატანიდან ოთხ თვეზე ადრე პერიოდშიც შეუძლიათ.

მისი თქმით, ინფიცირებასა და ვაქცინაციას შორის პერიოდის შემცირება იგეგმება ივლისში, როდესაც ქვეყანას ვაქცინების საკმაო რაოდენობა ექნება.

რაც შეეხება ვაქცინაციის პროცესის დინამიკას, გამყრელიძის თქმით, მარტში საშუალო დღიური მაჩვენებელი 450 იყო, აპრილში – 1.200, მაისში – 3,500, ივნისში კი – 5.200.

საქართველოში კორონავირუსის საწინააღმდეგო ვაქცინაცია 15 მარტიდან დაიწყო.

თემები:
კორონავირუსი საქართველოში: ბოლო ცნობები (971)

მთავარი თემები