დაიწყო ხანდაზმულთა ბინაზე ვაქცინაციის პროგრამა

მამაკაცი ქუჩაში
მამაკაცი ქუჩაში - Sputnik საქართველო, 1920, 08.06.2021
გამოწერა
თამარ გაბუნიას განცხადებით, ის ხანდაზმულები, ვისაც ბინაზე ვაქცინაცია სურს, ჯანდაცვის სამინისტროს უნდა დაუკავშირდნენ.

თბილისი, 8 ივნისი – Sputnik. დავიწყეთ ბინაზე ხანდაზმულების ვაქცინაციის პროგრამა და, ვფიქრობ, პროცესი მომდევნო კვირიდან უფრო აქტიური გახდება, განაცხადა ჯანდაცვის მინისტრის მოადგილემ თამარ გაბუნიამ დღევანდელ ბრიფინგზე.

გაბუნიას განცხადებით, ვაქცინაციასთან მიმართებით უფრო მეტი აქტივობა ფიქსირდება შედარებით ახალგაზრდა ასაკობრივ ჯგუფებში, ვიდრე ხანდაზმულებში.

მოსახლეობის ვაქცინაცია - Sputnik საქართველო, 1920, 08.06.2021
მასობრივი ვაქცინაციის ცენტრების ორგანიზების გეგმა ერთი კვირის ვადაში შემუშავდება

„ხანდაზმულთა სახლებსა და თავშესაფრებში ვაქცინაცია აქტიურია და ეს დაწესებულებები თითქმის სრულადაა მოცული. ხოლო ის ხანდაზმულები, რომლებიც ბინაზე არიან და სჭირდებათ ვაქცინაცია, სამინისტროს უნდა დაუკავშირდნენ“, - აღნიშნა გაბუნიამ.

გაბუნიას განცხადებით, ასევე აქტიურად გრძელდება ჯანდაცვის სექტორის თანამშრომლების ვაქცინაცია.

საქართველოში ვაქცინაცია 15 მარტიდან პირველ ეტაპზე მედპერსონალით დაიწყო, თუმცა შემდგომ პროგრამა თანდათან გაფართოვდა და ამჟამად იმუნიზაციის პროცესში ჩართვა 18 წელს ზემოთ პირებისთვისაც არის შესაძლებელი.

ამ ეტაპზე საქართველოში ვაქცინაცია კორონავირუსის საწინააღმდეგო ვაქცინებით – AstraZeneca-თი, Pfizer-ით, Sinopharm-ითა და Sinovac-ით ხორციელდება. ყველა ამ ვაქცინის შემთხვევაში საჭიროა ორი დოზის გაკეთება.

ბოლო მონაცემებით, საქართველოში სულ 178.738 ადამიანია აცრილი.

ყველა ახალი ამბავი
0