26 მაისის გალა-კონცერტზე კახი კალაძის მეუღლემ, დიზაინერმა ანუკი არეშიძემ ულამაზესი შავი კაბა მოირგო, რომელიც, როგორც აღმოჩნდა, მისი უკანასკნელი კოლექციიდან არის.
„დეტალი ჩემი კოლექციიდან“, – აღნიშნავს ანუკი და აქვეყნებს კაბის ერთ ნაწილს, რომელიც ულამაზესი შავი ბადისებრი ნაჭრით არის გაწყობილი. კაბამ დიდი მოწონება დაიმსახურა ანუკის ხელმომწერებს შორის „ინსტაგრამზე“. შემფასებლები წერენ, რომ მისი ნამუშევარი ძალიან ლამაზია, რასაც ძნელია არ დაეთანხმო.
View this post on Instagram
ანუკი არეშიძის კაბები საზოგადოებაში დიდი პოპულარობით სარგებლობს. ცოტა ხნის წინ ცნობილი დიზაინერი მეგობრის, ნინა დოლიძის ქორწილში საკუთარი დიზაინით შექმნილი ვარდისფერი კაბით წავიდა. „ინსტაგრამზე“ გამოქვეყნებულმა ფოტოებმა სოციალური ქსელის მომხმარებლები აღაფრთოვანა. რამდენიმე საათში დიზაინერის კაბას უამრავი გამოხმაურება და მოწონება ხვდა წილად, რისთვისაც არეშიძემ მათ მადლობა საჯაროდაც გადაუხადა.
View this post on Instagram
ანუკიმ საკუთარი ხელითა და ხედვით შექმნილი კაბები მსოფლიოს მოდის მოყვარულ ქალებს მოკლე დროში შეაყვარა. სელებრითებს შორის ერთ-ერთი ყველაზე აქტუალური სელებრითი ანუკია, მას 650 ათასზე მეტი „ფოლოვერი“ ჰყავს.
View this post on Instagram
ყოფილი ფეხბურთელი, ამაჟამად თბილისის მერი კახა კალაძე და ანუკი არეშიძე 13 წელია ერთად არიან. წყვილმა ერთმანეთი მილანში 2008 წელს გაიცნო და მათ 2013 წელს იქორწინეს. 2019 წლის ზაფხულში წყვილმა ჯვარიც დაიწერა და ყველაზე უმცროსი ვაჟი – პატარა ნიკოლა მონათლა. ოჯახში პატარა ნიკოლას გარდა კიდევ სამი ბიჭი იზრდება – 12 წლის ლევანი, 7 წლის კახაბერი და 5 წლის ვაჩე.