ლელა წურწუმიას და „მამულიჩას“ ვარსკვლავური დუეტის უერთმანეთოდ წარმოდგენა რთულია. წყვილი წლებია ერთად ვითარდება. სოციალური ქსელის ხანაში კი ისინი საკუთარ ხელმომწერებს ერთობლივი ძალებით ახალისებენ. ლელა და „მამულიჩა“ თუნდაც ნაკლებად პოპულარულ გადაცემას ან რუბრიკას თავისი სტუმრობით პოპულარულს ხდიან. ქართულ ტელესივრცეში ისინი ერთ-ერთი ყველაზე რეიტინგული და პოპულარული წყვილია. ამჟამად ლელას საკუთარი გადაცემა „მხოლოდ ლელასთან“ მიჰყავს. საზოგადოებამ „მთავარი არხის“ ეთერში გასული გადაცემა უკვე შეიყვარა. აშკარაა, რომ ლელას ახალი პროექტი საკმაოდ რეიტინგული აღმოჩნდა.
View this post on Instagram
„მამულიჩა“ „ინსტაგრამზე“ ძალიან აქტიურია. ცოტა ხნის წინ ძაღლთან ერთად გადაღებული ვიდეო გამოაქვეყნა, სადაც ამბობს, რომ სანი მისი შეყვარებულია. ულამაზესი, ლურჯთვალება ვეიმარანერის ჯიშის ძაღლი მართლაც შეუძლებელია ერთი ნახვით არ შეგიყვარდეთ.
View this post on Instagram
წურწუმია-მამულაშვილის წყვილი მრავალი წელია ოფიციალურად დაქორწინებულია. მათი ცალ-ცალკე ნახვა წარმოუდგენელია. ლელას და მამულიჩას ერთი ქალიშვილი ჰყავთ. თინეიჯერი მათ ურთიერთობას უფრო ამყარებს. გოგონამ ფოტოგრაფობა გადაწყვიტა და ახლა გადაცემის ჩაწერისას კადრს მიღმა პოპ-დივასთვის მუშაობს. ლელას და მის მეორე ნახევარს თაყვანისმცემლების არმია ჰყავთ, რომელიც დღითი დღე იზრდება.
View this post on Instagram
ქართველი მოკაშკაშე ვარსკვლავი და ყველასათვის საყვარელი მომღერალი წლიდან წლამდე არ იცვლება. ლელა წურწუმიამ კარიერა 90-იანებში დაიწყო. მომღერლის სიმღერები ახლაც გაჰიტებულია. მამულიჩას და ლელას ყველაზე მეტად ის ახარებთ, რომ მათ და კომპოზიტორების მიერ შექმნილ სიმღერებს ახალგაზრდები და მათი თაობის ადამიანები ერთნაირად დიდი სიამოვნებით უსმენენ. ლელას სოლო-კონცერტების ბილეთებს სალაროებიდან იტაცებენ, პოპ-დივა აქტუალობას არ კარგავს.