23:04 13 მაისი 2021
პირდაპირი ეთერი
  • EUR4.1656
  • 100 RUB4.6357
  • USD3.4271
საზოგადოება
მოკლე ბმულის მიღება
57 0 0

სადღესასწაულო დღეებში საქართველოს მასშტაბით ალკოჰოლური  და კვებითი ინტოქსიკაციის მიზეზით სასწრაფო სამედიცინო დახმარების გამოძახების სტატისტიკა გაიზარდა.

თბილისი, 4 მაისი – Sputnik. სადღესასწაულო დღეებში ალკოჰოლური და კვებითი ინტოქსიკაციის 1.200-მდე შემთხვევა დაფიქსირდა, აცნობეს „Sputnik–საქართველოს“ საგანგებო სიტუაციების კოორდინაციისა და გადაუდებელი დახმარების ცენტრში.

მიმდინარე წლის 2 მაისიდან 4 მაისის დილის 10:00 საათამდე პერიოდში საქართველოს მასშტაბით დაფიქსირებულია ალკოჰოლური ინტოქსიკაციის 785 შემთხვევა, აქედან ჰოსპიტალიზებულია 658 ადამიანი.

საგანგებო სიტუაციების კოორდინაციისა და გადაუდებელი დახმარების ცენტრის ცნობით, მოცემულ პერიოდში თბილისში დაფიქსირდა ალკოჰოლური ინტოქსიკაციის 281 შემთხვევა, რომელთაგან ჰოსპიტალიზაცია დასჭირდა 226 პაციენტს,

შესაბამისად, დანარჩენ რეგიონებში დაფიქსირდა 504 შემთხვევა, საიდანაც 432 ადამიანია ჰოსპიტალიზებული.

უწყების ცნობით, აღნიშნულ პერიოდში მოიმატა კვებითი ინტოქსიკაციის შემთხვევებმაც. ამ მიზეზით ცენტრში 411 გამოძახება დაფიქსირდა, საიდანაც 194 ჰოსპიტალიზაციით დასრულდა.

აქედან 121 შემთხვევა იყო თბილისში და ჰოსპიტალიზაცია დასჭირდა 27-ს, ხოლო საქართველოს სხვა რეგიონებში კვებითი ინტოქსიკაცია დაუდგინდა 290 პაციენტს, რომელთაგანაც 167 ადამიანის სამედიცინო დაწესებულებებში მოთავსება გახდა საჭირო.

მთავარი თემები