თბილისი, 29 აპრილი – Sputnik. სიღნაღის მუნიციპალიტეტში მასწავლებელმა მოსწავლეს საფულის მოპარვა დააბრალა, იუწყება ტელეკომპანია Rustavi 2.
შემთხვევა სოფელ ზემო ბოდბეში მოხდა.
გავრცელებული ინფორმაციით, მეოთხე კლასის მასწავლებელმა თანხა დაკარგა, რის შემდეგაც საკუთარი მეთოდებით გადაწყვიტა სიმართლის დადგენა – იგი მოსწავლის ოჯახში მივიდა და მოზარდი გაჩხრიკა.
აღნიშნულ ფაქტს ადასტურებს სკოლის დირექტორიც. მისი ინფორმაციით, საქმეში სამართალდამცველები არიან ჩართული და ფაქტზე გამოძიება დაიწყო.