20:49 11 მაისი 2021
პირდაპირი ეთერი
  • EUR4.1590
  • 100 RUB4.6231
  • USD3.4174
საზოგადოება
მოკლე ბმულის მიღება
47 0 0

სააგენტო საცხობებისა და საკონდიტრო ობიექტების კონტროლს მთელი ქვეყნის მასშტაბით პერიოდულად ახორციელებს.

თბილისი, 20 აპრილი – Sputnik. აღდგომის დღესასწაულის მოახლოებასთან დაკავშირებით სურსათის ეროვნული სააგენტო საცხობებისა და საკონდიტრო ობიექტების კონტროლს გაააქტიურებს, ნათქვამია სააგენტოს მიერ გავრცელებულ განცხადებაში.

გავრცელებული ინფორმაციით, სააგენტოს ინსპექტირების ჯგუფები ობიექტებს მთელი ქვეყნის მასშტაბით შეამოწმებენ.

„მიმდინარე წელს 578 სახელმწიფო კონტროლი (ინსპექტირება, დოკუმენტური შემოწმება, გადამოწმება) განხორციელდა. სხვადასხვა დარღვევისთვის დაჯარიმდა 63 ობიექტი, მათ შორის, კრიტიკული შეუსაბამობების გამო საწარმოო პროცესი შეუჩერდა 20 ბიზნეს-ოპერატორს“, – ნათქვამია სააგენტოს განცხადებაში.

სააგენტოს ინფორმაციით, შემოწმებისას ძირითადად გამოვლინდა სანიტარიულ-ჰიგიენური ნორმების დარღვევა, გამწოვი სისტემების გაუმართაობა და ბიზნეს-ოპერატორის რეგისტრაციის არარსებობა.

დაჯარიმებულ ობიექტებს განემარტათ მოთხოვნები, რომელთა დაკმაყოფილების შემდეგ უმეტესობამ უკვე განაახლა საქმიანობა.

წელს მართლმადიდებლური ეკლესია აღდგომის დღესასწაულს 2 მაისს აღნიშნავს.

მთავარი თემები