დასავლეთ საქართველოს ორი რეგიონი ერთმანეთს უმოკლესი გზით დაუკავშირდება

© photo: Sputnik / Stringerსარემონტო სამუშაოები
სარემონტო სამუშაოები - Sputnik საქართველო, 1920, 13.04.2021
გამოწერა
ზემო იმერეთისა და რაჭის დამაკავშირებელი 51 კილომეტრამდე სიგრძის გზა საჩხერიდან იწყება, შვიდ სოფელს გაივლის და ამბროლაური–ონის გზას შეუერთდება.

თბილისი, 13 აპრილი - Sputnik. ზემო იმერეთი და რაჭა ახალი უმოკლესი გზით დაუკავშირდებიან ერთმანეთს, ნათქვამია საავტომობილო გზების დეპარტამენტის განცხადებაში.

ამ ეტაპზე 51–კილომეტრიანი გზის მშენებლობა–რეკონსტრუქცია მიმდინარეობს. გზა საჩხერიდან იწყება და გაივლის სოფლებს – სარეკს, ქვემო ხევს, უზუნთას, შქმერს, ბოყვას, კვაშხიეთსა და ზუდალს. საბოლოოდ გზა შეუერთდება ამბროლაური–ონის გზას. ეს წერტილი ქალაქ ამბროლაურიდან დაშორებულია 20 კმ-ით, ხოლო ქალაქ ონიდან – 5 კმ-ით. 

გზის მშენებლობა რიკოთზე - Sputnik საქართველო, 1920, 03.04.2021
საუკუნის პროექტი: რიკოთის საუღელტეხილო გზაზე მშენებლობა აქტიურად გრძელდება

გზის დიდი ნაწილი ფაქტობრივად დაუსახლებელ ტყიან ზონაში მდინარე ხეორის ხეობაში გადის და ზღვის დონიდან 1000-1500 მეტრ სიმაღლეზე მდებარეობს. აღნიშნული გზა აქამდე გრუნტის იყო, პროექტის ფარგლებში კი გზის სრული რეაბილიტაცია მოხდება და ასფალტ-ბეტონის საფარი დაიგება.

პროექტის დასრულება 2021 წლის ბოლოსთვის იგეგმება.

ზემო იმერეთი–რაჭის დამაკავშირებელი საავტომობილო გზა ძალიან მნიშვნელოვანია სოციალურ-ეკონომიკური თვალსაზრისით, აღნიშნავენ საავტომობილო გზების დეპარტამენტში.

საჩხერიდან ონში მგზავრობის დრო ამჟამად დაახლოებით 2 საათს შეადგენს, ახალი გზით ზემო იმერეთიდან რაჭამდე მგზავრობის დრო კი მინიმუმ ერთი საათით შემცირდება.

პროექტის განხორციელების შემდეგ საჩხერე–ონის გზა მნიშვნელოვნად გაუმჯობესდება და გაცილებით უსაფრთხო იქნება.  1,5 საათით შემცირდება თბილისიდან ონში მგზავრობის დროც – დედაქალაქიდან რაჭაში ჩასვლას 6 საათის ნაცვლად, 4,5 საათი დასჭირდება.

ახალი დამაკავშირებელი გზა გამოაცოცხლებს ლეჩხუმისა და რაჭის რეგიონებს და მათ განვითარებას მნიშვნელოვნად შეუწყობს ხელს, აღნიშნავენ უწყებაში.

პროექტის სახელმწიფო ბიუჯეტიდან ფინანსდება და მისი ღირებულება 111.165.310 ლარია.

ყველა ახალი ამბავი
0