04:20 11 მაისი 2021
პირდაპირი ეთერი
  • EUR4.1590
  • 100 RUB4.6231
  • USD3.4174
საზოგადოება
მოკლე ბმულის მიღება
კორონავირუსი საქართველოში: ბოლო ცნობები (639)
105 0 0

ვაქცინის დანერგვის ეროვნული გეგმის მიხედვით, 2021 წლის ბოლომდე საქართველოში მოსახლეობის სულ მცირე 60% უნდა აიცრას. ვაქცინაცია უფასო და ნებაყოფლობითია.

თბილისი, 13 აპრილი – Sputnik. საქართველოში იმ პირებს, რომელთაც გადაადგილების პრობლემა აქვთ, შესაძლოა, კორონავირუსის საწინააღმდეგო ვაქცინა ბინაზე ჩაუტარდეთ, განაცხადა საქართველოს დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ტელეკომპანია „ფორმულის" ეთერში. 

გამყრელიძის განცხადებით, იმუნიზაციის საბჭო მუშაობს ისეთი სერვისის დანერგვაზე, რომელიც აღნიშნული კატეგორიის პირთა სახლის პირობებში ვაქცინაციას უზრუნველყოფს.

„ჩემი ვარაუდით, ამ სერვისს ჩვენს მოქალაქეებს მალე შევთავაზებთ. ჩვენთან ძალიან აქტიურად მუშაობებ მოხალისეთა ჯგუფები, წითელი ჯვარი. აღნიშნულ პროცესში ვგეგმავთ სამედიცინო სასწავლებლების სტუდენტების ჩართვასაც. ადამიანებს, რომელთაც ჯანმრთელობის დამატებითი პრობლემა აქვთ, ადგილზე უნდა ჩაუტარდეთ ვაქცინაცია“, – განაცხადა გამყრელიძემ.

ვაქცინაციის პროცესი საქართველოში 15 მარტიდან დაიწყო AstraZeneca-ს პრეპარატით. მას 30 მარტიდან Pfizer-ის პრეპარატი დაემატა. 15 მარტიდან დღემდე ქვეყანაში კორონავირუსის საწინააღმდეგო აცრა 20.622 ადამიანს ჩაუტარდა. საქართველომ ასევე უკვე მიიღო ჩინური წარმოების ვაქცინის 100 ათასი დოზა, მაგრამ როდის დაიწყება მისი გამოყენება, ჯერჯერობით უცნობია.

ვაქცინაციის საერთო ეროვნული გეგმის მიხედვით, ქვეყანაში ვაქცინაცია 15 მარტს  მედპერსონალით დაიწყო. დაბალი მიმართვიანობის გამო 25 მარტიდან კორონავირუსის საწინააღმდეგო ვაქცინაციის პროცესში 75 წელს ზემოთ და 65-დან 75-წლამდე ასაკობრივი ჯგუფებიც ჩაერთვნენ. ვაქცინაციის მიზნობრივ ჯგუფებს ასევე უკვე დაემატნენ 55 წელს ზემოთ მოქალაქეები, პოლიციელები, სამხედრო მოსამსახურეები, დიალიზზე მყოფი და ორგანოგადანერგილი პაციენტები. სავარაუდოდ, კორონავირუსის საწინააღმდეგო ვაქცინაციის პროცესში უახლოეს მომავალში მასწავლებლები და განათლების სფეროს სხვა წარმომადგენლებიც ჩაერთვებიან.

თემები:
კორონავირუსი საქართველოში: ბოლო ცნობები (639)

მთავარი თემები