მამუკა მდინარაძეს კორონავირუსი დაუდასტურდა

© courtesy of Georgian Dreamმამუკა მდინარაძე
მამუკა მდინარაძე - Sputnik საქართველო, 1920, 07.04.2021
გამოწერა
მასმედიაში გავრცელებული ინფორმაციით, კორონავირუსი საქართველოს პარლამენტის კიდევ სამ დეპუტატს გამოუვლინდა.

თბილისი, 7 აპრილი – Sputnik. მმართველი პარტია „ქართული ოცნება - დემოკრატიული საქართველოს" აღმასრულებელ მდივანს, მამუკა მდინარაძეს კორონავირუსი დაუდასტურდა.

„ჩემი ტესტის პასუხი „კოვიდზე" დადებითია. ეს ამბავი მხოლოდ ერთმა შეცდომამ განაპირობა, რამდენიმე თვის განმავლობაში ასეთი არ დამიშვია. მოკლედ, როდესაც ვინმეს ესაუბრებით, ერთი წუთითაც კი არ მოიხსნათ პირბადე, არც ერთი წუთით! ეს არის ჩემი, უკვე პირად გამოცდილებაზე დამყარებული რჩევა“, - დაწერა მდინარაძემ სოციალურ ქსელში.

მისი თქმით, ბოლო დღეებში ირგვლივ ძალიან ბევრი შემთხვევა დაგროვდა, რისკები ძალიან გაიზარდა.

ირაკლი ღარიბაშვილი - Sputnik საქართველო, 1920, 06.04.2021
პრემიერ ღარიბაშვილს კორონავირუსი დაუდასტურდა

„ყველას უმორჩილესად გთხოვთ, ზედმიწევნით დაიცავით რეგულაციები, ყველგან ატარეთ პირბადე, რითაც, გარდა ქვეყნის ეკონომიკისა, მინიმუმ რამდენიმე ასეულ თუ ათასობით ჩვენი მოქალაქის სიცოცხლეს გადაარჩენთ“, - წერს მდინარაძე.

მასმედიაში გავრცელებული ინფორმაციით, კორონავირუსი საქართველოს პარლამენტის კიდევ სამ დეპუტატს – მაია მენაღარიშვილს, ირაკლი მეძმარიაშვილსა და ბექა დავითულიანს დაუდასტურდა. კორონავირუსზე ტესტი კიდევ ერთმა დეპუტატმა – ქეთევან დუმბაძემ უნდა გაიკეთოს.

ვირუსი გუშინ ქვეყნის პრემიერ–მინისტრს ირაკლი ღარიბაშვილსაც გამოუვლინდა.

გამყრელიძე: დღეს ქვეყანაში 10 კლასტერია ჩამოყალიბებული>>

საქართველოში ბოლო პერიოდში კვლავ იმატა კორონავირუსის შემთხვევებმა. ეპიდემიოლოგები კვლავ კლასტერებზე და ვირუსის საყოველთაო გავრცელებაზე, უკვე მოხსნილი შეზღუდვების ხელახლა ამოქმედებაზე საუბრობენ.

ყველა ახალი ამბავი
0