როგორც ცნობილია, ექს-პრეზიდენტი გიორგი მარგველაშვილი და მისი მეუღლე მაკა ჩიჩუა ბევრ რამეს საკუთარი ხელით აკეთებენ დუშეთის სახლში, სადაც შვილებთან ერთად ცხოვრობენ.
ახლახან ყოფილმა პირველმა ლედიმ სოციალურ ქსელში გამოაქვეყნა ფოტოები, სადაც ყვავილებით მოხატული მაგიდა ჩანს. როგორც მაკა წერს, სანამ ეზო აყვავდება, მაგიდებს ხატავს.
მსახიობი და მხატვარი მაკა ჩიჩუა ადრეულ ასაკში დაოჯახდა, ისევე, როგორც მისი ექს-პრეზიდენტი მეუღლე. წყვილს საერთო ორი ვაჟი და პირველი ქორწინებიდან თითო ქალიშვილი ჰყავს. მაკა ჩიჩუას უფროსი ქალიშვილი მაშო, წარმოუდგენელია, მაგრამ 31 წლისაა.
გოგონას დედას ძალიან ამსგავსებენ. ოჯახი ქალაქგარეთ, უმეტესწილად საკუთარი ხელით მოწყობილ სახლში ხშირად იკრიბება. ანა მარგველაშვილი მაშო ჩიჩუას საუკეთესო მეგობარია. ისინი ძმებსა და ანას ქალიშვილს ერთად უვლიან.
მაკას და გიორგი მარგველაშვილს თანაცხოვრების პერიოდში ორი ვაჟი შეეძინათ. თემოს და თომას აღზრდაში ცოლ-ქმრის უფროსი ქალიშვილები მაშო და ანა თანაბრად არიან ჩართული. მოგეხსენებათ, ანა მარგველაშვილსაც ჰყავს ერთი ქალიშვილი – ანასტასია, რომელიც დიდ დროს ასევე დუშეთში ატარებს.
მსახიობი, მხატვარი და მუსიკოსი მაკა ჩიჩუა გიორგი მარგველაშვილთან დაოჯახებამდეც დიდი პოპულარობით სარგებლობდა. განსაკუთრებული პოპულარობა მას მოუტანა ფილმმა „გაიღიმეთ“ (Keep Smiling). ქართული ფილმი 10 ქალზე მოგვითხრობს, რომლებიც დედების კონკურსში მონაწილეობენ. მათ შორის შვიდი ღარიბი ოჯახიდანაა და ისინი ძალებს არ იშურებენ ბინის და 25 ათასი დოლარის მოსაგებად.
ერთ-ერთი მთავარი როლი მაკა ჩიჩუას ერგო. ფილმი 2013 წელს გადაიღეს, მაშინ, როდესაც გიორგი მარგველაშვილი მოქმედი პრეზიდენტი იყო. მაკას სექსუალურმა გამოჩენამ ბევრი ადამიანი გააოცა. ფილმის ერთ ეპიზოდში ყველა მსახიობი სცენაზე საცურაო კოსტიუმით გამოვიდა. საზოგადოებამ მაშინ მაკას ქმედება არ მოიწონა.
