04:20 17 აპრილი 2021
პირდაპირი ეთერი
  • EUR4.1187
  • 100 RUB4.5355
  • USD3.4363
საზოგადოება
მოკლე ბმულის მიღება
განათლება საქართველოში (406)
69 0 0

ეროვნული სასწავლო ოლიმპიადა დამამთავრებელი კლასების მოსწავლეებისთვის ეროვნული სასწავლო გეგმით განსაზღვრულ სავალდებულო საგნებში ტარდება.

თბილისი, 9 მარტი – Sputnik. საქართველოს მასშტაბით 2020-2021 სასწავლო წლის ეროვნული სასწავლო ოლიმპიადის მეორე ტური ქართულ ენასა და ლიტერატურაში ტესტირებით დაიწყო, ნათქვამია შეფასებისა და გამოცდების ეროვნული ცენტრის განცხადებაში. 

ეროვნული ოლიმპიადის მეორე ტური ორ ეტაპად ტარდება, რომელშიც 6 ათასზე მეტი მოსწავლე მონაწილეობს. პროცესი 12 მარტს გერმანულ ენაში ტესტირებით დასრულდება.

ოლიმპიადა ჯანდაცვის სამინისტროს მიერ შემუშავებული ყველა რეგულაციის დაცვით ტარდება.

2020-2021 სასწავლო წლის ეროვნული სასწავლო ოლიმპიადის მესამე ტურში გადასვლის უფლებას მოიპოვებს ის მოსწავლე, რომელიც დააგროვებს შესაბამისი საგნის ტესტის მაქსიმალური ქულის არანაკლებ 50%-ს და მოხვდება შესაბამისი კლასისა და საგნის რეიტინგული სიის პირველ 50 მონაწილეს შორის. მესამე ტურში გადასულ ყველა მონაწილეს დიპლომი გადაეცემა.

ეროვნული სასწავლო ოლიმპიადა X–XII კლასების მოსწავლეებისთვის ცენტრალიზებულად ტარდება საგნებში: ქართული ენა და ლიტერატურა, ქართული ენა არაქართულენოვანი სკოლების მოსწავლეებისთვის, მათემატიკა, ისტორია, გეოგრაფია, ფიზიკა, ქიმია, ბიოლოგია, უცხო ენა.

განათლების სამინისტროს გადაწყვეტილებით, საქართველოში ეროვნული სასწავლო ოლიმპიადა 2009 წლიდან ტარდება.

თემები:
განათლება საქართველოში (406)

მთავარი თემები