ცნობილმა ტრანსგენდერმა მოდელმა კესარია აბრამიძემ PosTV-ს გადაცემაში „სიკეთე მარტივია“ განაცხადა, რომ ხშირად ამბობს სხვადასხვა შუებსა თუ გადაცემებში მონაწილეობაზე უარს, რადგან მისთვის პრიორიტეტი მხოლოდ ეკრანზე გამოჩენა არაა და რასაც თვლის, რომ თავისი არაა, იქ მონაწილეობას არ იღებს.
„აი, მაგალითად, „ცეკვავენ ვარსკვლავებზე“ უარი ვთქვი. ბევრ შემოთავაზებაზე ვამბობ უარს, რადგან რეიტინგზე არ ვნადირობ. ისედაც არის ეს ყველაფერი“, – აღნიშნა მოდელმა.
ცნობილი საცეკვაო შოუ „იმედზე“ ბოლოს ახალი სეზონით 2019 წლის 11 ნოემბერს დაბრუნდა. „ცეკვავენ ვარსკვლავებში“ წყვილებს ცნობილი მოცეკვავეები და ცნობილი სახეები ქმნიან. საცეკვაო შოუს წამყვანები ეკა ამირეჯიბი, დუტა სხირტლაძე და კახა კინწურაშვილი იყვნენ, რომლებსაც შოუ მანამდეც არაერთხელ წაუყვანიათ.
„ცეკვავენ ვარსკვლავები" საქართველოში პირველად 2012 წელს დაიწყო და მასში არაერთმა ცნობილმა ადამიანმა მიიღო მონაწილეობა.
