თბილისი, 1 მარტი – Sputnik. საქართველოს თავდაცვის ძალების 41-ე ქვეითი ბატალიონის „ალფა“ ქვეითმა ასეულმა ვაზიანის ტერიტორიაზე ურბანული სწავლება განახორციელა. იუწყება თავდაცვის სამინისტრო.
უწყების ცნობით, გეგმური სწავლება ობიექტის დაცვასა და მოწინააღმდეგის ცეცხლზე რეაგირებას ითვალისწინებდა. გაცემული დავალებების შესაბამისად, სამხედროებმა განახორციელეს „მოწინააღმდეგის“ შეტევაზე რეაგირება, ხოლო სწრაფი რეაგირების ქვედანაყოფმა – სამედიცინო ევაკუაცია.
- „ქვედანაყოფმა გეგმური სწავლება წარმატებულად ჩაატარა და დამკვირვებელ-შემფასებელი ჯგუფისგან უმაღლესი შეფასება დაიმსახურა“, – ნათქვამია უწყების განცხადებაში.
სამინისტროს ინფორმაციით, ვაზიანის მიმდებარედ განხორციელებულ კულმინაციურ სწავლებაზე ტაქტიკური დავალების შესასრულებლად ბრძანებები და მითითებები მართვის პუნქტიდან გაიცა.
