02:26 12 აპრილი 2021
პირდაპირი ეთერი
  • EUR4.0646
  • 100 RUB4.4399
  • USD3.4260
საზოგადოება
მოკლე ბმულის მიღება
 „ცხელი გაზაფხული“:  პოლიტიკური ვნებათაღელვა საქართველოში (27)
1063 0 0

ოპოზიციის გეგმებშია პარლამენტისა და მთავრობის კანცელარიის პიკეტირება, აქციები შსს-სთან და თბილისის საქალაქო სასამართლოსთან

თბილისი, 26 თებერვალი – Sputnik. ახალგაზრდული ორგანიზაცია „მოძრაობა საქართველოსთვის“ ხელისუფლებას მათი მოთხოვნების დასაკმაყოფილებლად ორკვირიან ვადას აძლევს, წინააღმდეგ შემთხვევაში რუსთაველის გამზირის გადაკეტვას გეგმავს.

მათი მოთხოვნებია ვადამდელი სპარლამენტო არჩევნები, პოლიტიკური დევნის შეჩერება, პოლიტპატიმრების გათავისუფლება და ცენტრალური საარჩევნო კომისიის ხელახალი დაკომპლექტება.

„ჩვენ სამ თვეზე მეტია ვაპროტესტებთ გაყალბებულ არჩევნებს. თუ მოთხოვნები არ დაკმაყოფილდება, ჩვენ უზრუნველვყოფთ, რომ მთელი რუსთაველის გამზირი იყოს კარვებით გადაკეტილი“, – განაცხადა ერთ-ერთმა აქტივისტმა ალეკო კუპრავამ. 

სხვადასხვა ახალგაზრდული ორგანიზაციებისა და ოპოზიციური პარტიების წარმომადგენლები, მიუხედავად გადაადგილებაზე მოქმედი შეზღუდვის დაწყებისა, პარლამენტის შენობასთან ამ დრომდე რჩებიან.

რუსთაველის გამზირის ნაწილი ტრანსპორტისთვის კვლავ დაკეტილია. პარლამენტის შენობასთან 11 კარავია გაშლილი, რომლებშიც აქტივისტები ღამის გატარებას გეგმავენ.

დედაქალაქში დღეს ოპოზიციურმა პარტიებმა ფართომასშტაბიანი საპროტესტო აქცია გამართეს, რომელსაც საქართველოს სხვადასხვა რეგიონდან მათი მხარდამჭერებიც შეუერთდნენ. ოპოზიციამ ორი კვირის განმავლობაში თბილისში საპროტესტო აქციებისა და პიკეტების მოწყობა დააანონსა.

ადგილზე მობილიზებულია საპატრულო პოლიციის ეკიპაჟები.

 

თემები:
 „ცხელი გაზაფხული“:  პოლიტიკური ვნებათაღელვა საქართველოში (27)

მთავარი თემები