რუსკა მაყაშვილის ბიჭუნა ჯიმ ქერის ბაძავს – სახალისო ვიდეო

მსახიობმა და ტელეწამყვანმა რუსკა მაყაშვილმა სოციალურ ქსელში შვილის სახალისო ვიდეო განათავსა. ვიდეოში ილია ცნობილი ფილმიდან „ნიღაბი“ მთავარი გმირის შემსრულებლის ჯიმ ქერის ბაძავს. ბიჭუნა „ბეტმენის“ პიჟამოშია გამოწყობილი და სასწაულმოქმედი ნიღბის ნაცვლად ასევე „ბეტმენის“ ნიღაბს ირგებს.

რუსკა მაყაშვილი მეორე შვილზეა ორსულად. სიახლის შესახებ „ფოლოვერებს“ რამდენიმე თვის წინ რუსკამ თავად შეატყობინა, თუმცა არ უთქვამს გოგონას ელოდება თუ ბიჭს. თუმცა ეს საიდუმლო პირდაპირ ეთერში მასთან სტუმრად მყოფ მის ტელეწამყვან დას - ნინუცა მაყაშვილს წამოსცდა.

რუსკა მაყაშვილს და მის მეუღლეს, მორაგბე სანდრო ნიჟარაძეს მალე გოგონა ეყოლებათ. ყველასათვის საყვარელი მსახიობი რუსკა მაყაშვილი 2015 წელს დაოჯახდა. ტელეწამყვანი მოკრძალებული პოსტით შემოიფარგლა და თაყვანისმცემლებს მეუღლე სოციალური ქსელით გააცნო. რუსკა მაყაშვილი და მორაგბე სანდრო ნიჟარაძე ერთმანეთს ორი წელი ხვდებოდნენ.

წყვილი მშობლები პირველად 2017 წელს გახდნენ. მათ ვაჟი ეყოლათ და ბავშვს ილია დაარქვეს. პატარა ილია ახლა 3 წლისაა. აშკარაა, რომ რუსკას ძალიან ჰგავს. რუსკამ „ინსტაგრამის“ მომხმარებლებს ნოემბერში ამცნო, რომ მეორე შვილს ელოდება. მსახიობმა უამრავი მილოცვა მიიღო.