Праздничное оформление - Sputnik საქართველო, 1920
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

„რისი ღირსიც ხარ, იმედია არ დაგაკლდება!“ – ნინი ბადურაშვილი განცხადებას ავრცელებს

© Photo: Nini Badurashvili / FBნინი ბადურაშვილი
ნინი ბადურაშვილი - Sputnik საქართველო, 1920, 16.02.2021
გამოწერა
აღშფოთებული ნინი ბადურაშვილი სოციალურ ქსელში განცხადებას ავრცელებს. ნახეთ ვინ გამოიყვანა ის მდგომარეობიდან.

თბილისი, 16 თებერვალი – Sputnik. ქობულეთში მომხდარ ტრაგედიას სოციალურ ქსელში მომღერალი და ტელეწამყვანი ნინი ბადურაშვილიც გამოეხმაურა. ის წერს, რომ ისეთი მრუდე აზროვნების ადამიანის ადგილი, როგორიც გარდაცვლილი 14 წლის გოგოს ბაბუა აღმოჩნდა, ნორმალურად მოაზროვნე საზოგადოებაში არ არის.

მომღერალი თვლის, რომ ეს ადამიანი ყველაზე უარესის ღირსია და იმედს იტოვებს, რომ სამაგიერო მიეზღვება იმისთვის, რაც საკუთარ შვილიშვილს გაუკეთა.

14 წლის გოგოს თვითმკვლელობის საქმეზე მუქარის და ძალადობის ბრალდებით მოზარდის ბაბუა 15 თებერვალს დააკავეს. გავრცელებული ინფორმაციით, 76 წლის მამაკაცი შვილიშვილს სასტიკად უსწორდებოდა.

ვახტანგ გომელაური - Sputnik საქართველო, 1920, 14.02.2021
„რაც შეგვეძლო, ყველაფერი გავაკეთეთ“: გომელაური 14 წლის გოგონას გარდაცვალებას გამოეხმაურა

დაკავებამდე ბაბუამ შვილიშვილზე თქვა: „თავი იმიტომ მოიკლა, რომ გაუპატიურებული იყო და თავისი დანაშაული გამოისყიდა”. სწორედ ამ განცხადების გამო განიხილავენ ამ კაცს სოციალურ ქსელში.

ამ საქმეზე დაკავებული ბრალდებული 23 წლის კაცია, რომელმაც 14 წლის ნინიზე სექსუალურად იძალადა. მას გამოძიება მოზარდის თვითმკვლელობამდე მიყვანას, 115-ე მუხლსაც ედავება. ახალგაზრდა კაცს წინასწარი პატიმრობა აქვს შეფარდებული.

14 წლის ნინის დის ადვოკატის ინფორმაციით, მოზარდის გარდაცვალების საქმეში იკვეთება კიდევ ერთი დანაშაული – წინასწარი შეცნობით არასრულწლოვნის მიმართ ჩადენილი ძალადობა. მისი თქმით, გამოძიება ამ მიმართულებითაც მიმდინარეობს. ანუ, არ არის გამორიცხული, რომ უახლოეს პერიოდში გამოძიებამ ბრალი სხვა პირს ან პირებსაც წაუყენოს.

14 თებერვალს გამოძიებამ სწორედ ნინის უფროსი და, 20 წლის ახალგაზრდა ქალი ცნო დაზარალებულის უფლებამონაცვლედ და საქმის მასალები მისი ინტერესების დამცველს ანა თავხელიძეს, ორგანიზაციის „პარტნიორობა ადამიანის უფლებებისათვის“ იურისტს გადასცა.

ყველა ახალი ამბავი
0