გუდაური–კობის გზის ნაწილზე ზვავსაშიშროება მოიხსნა

© photo: Sputnikსპეცტექნიკა გზებზე
სპეცტექნიკა გზებზე - Sputnik საქართველო
გამოწერა
გუდაური–კობის მონაკვეთზე ზვავსაშიშროების გამო ტრანსპორტის მოძრაობა 11 იანვრიდან აიკრძალა – გზაზე სატვირთო ავტომობილების „საცობია“.

თბილისი, 19 იანვარი – Sputnik. საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური–კობის მონაკვეთზე გაწმენდითი სამუშაოები დაიწყო, ნათქვამია საავტომობილო გზების დეპარტამენტის მიერ გავრცელებულ განცხადებაში. 

გუდაური - Sputnik საქართველო
კობი–გუდაურის მონაკვეთზე ზვავსაშიში ფერდობების მონიტორინგი თოვლმავალით განხორციელდება

გზის აღნიშნულ მონაკვეთზე კვირაზე მეტია რთული მეტეოროლოგიური პირობების გამო ყველა სახის ტრანსპორტის გადაადგილება აკრძალულია. ინტენსიური თოვისა და დაბალი ტემპერატურის გამო გზის აღნიშნულ მონაკვეთზე ზვავსაშიშროების საფრთხის მაღალი დონეა.

უწყების ცნობით, გზის გაწმენდითი სამუშაოები როგორც გუდაურის, ისე კობის მხრიდან ინტენსიურ რეჟიმში მიმდინარეობს – კერძოდ, საავტომობილი გზის 93-99 და 105-107 კმ მონაკვეთებზე, სადაც ზვავსაშიშროება უკვე მოიხსნა. რაც შეეხება გზის 100-104 კმ მონაკვეთს, აქ ზვავსაშიშროების რეჟიმი კვლავ რჩება.

„აღნიშნულ მონაკვეთზე გაწმენდითი სამუშაოები ზვავსაშიშროების რეჟიმის მოხსნისთანავე დაიწყება, რათა უმოკლეს ვადებში აღდგეს ავტოტრანსპორტის მოძრაობა“, – ნათქვამია განცხადებაში.

მცხეთა–სტეფანწმინდა–ლარსის ტრასა დღეისათვის ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს.

 

ყველა ახალი ამბავი
0