საქართველოში მოსახლეობის საყოველთაო აღწერისთვის მოსამზადებელი სამუშაოები იწყება

© photo: Sputnik / Goga Vardzieliკორონავირუსის ეპიდემია
კორონავირუსის ეპიდემია - Sputnik საქართველო
გამოწერა
მოსახლეობის აღწერის წყალობით ცნობილი გახდება, რამდენი ადამიანი ცხოვრობს საქართველოში, რა მდგომარეობაა მიგრაციის კუთხით და სხვა მნიშვნელოვანი მაჩვენებლები.

თბილისი, 8 იანვარი – Sputnik. საქართველოში 2021 წელს მოსახლეობის საყოველთაო აღწერისთვის მოსამზადებელი სამუშაოები დაიწყება, რისთვისაც ბიუჯეტიდან 300 ათასი ლარი გამოიყო. 

საქართველოს პარლამენტი - Sputnik საქართველო
პარლამენტმა 2021 წლის სახელმწიფო ბიუჯეტი დაამტკიცა: ძირითადი მიმართულებები

მოსამზადებელი სამუშაოების ფარგლებში პირველ ეტაპზე განხორციელდება არსებული მონაცემების სისტემატიზაცია და დაიწყება თანამშრომლების მომზადება.

თარიღი, როდის დაიწყება მოსახლეობის საყოველთაო აღწერა, ჯერჯერობით უცნობია. საშუალოდ, მოსახლეობის აღწერისთვის მოსამზადებელი სამუშაოები 2 წელი გრძელდება. აღწერის ჩასატარებლად საჭიროა რეგისტრატორების მომზადება, აღრიცხვის სისტემის შემუშავება, მოსახლეობის მისამართების დადგენა და რეგისტრატორებს შორის მათი გადანაწილება.

საქართველოში მოსახლეობის საყოველთაო აღწერა პირველად 2002 წელს ჩატარდა. 2002 წლის 17 იანვრის მონაცემებით, საქართველოში მცხოვრებთა რაოდენობამ 4 371,5 ათასი ადამიანი შეადგინა.

მოსახლეობის მეორე აღწერა 2014 წელს ჩატარდა. მოსახლეობის რაოდენობამ, 2014 წლის 5 ნოემბრის მონაცემებით, 3 729 635 ადამიანი შეადგინა.

ყველა ახალი ამბავი
0