თბილისი, 3 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 417-ით გაიზარდა და ინფიცირებულთა საერთო რიცხვმა 229 169-ს მიაღწია. ინფორმაციას მთავრობის ადმინისტრაციის პრეს–სამსახური ავრცელებს.
ამ დროისათვის სულ გამოჯანმრთელდა 220 442 (ბოლო 24 საათში – 2 469) ადამიანი, გარდაიცვალა – 2 603 (ბოლო 24 საათში – 31), კარანტინის რეჟიმშია 386, სტაციონარებში ექიმების დაკვირვების ქვეშ 4 209 პაციენტია, ხოლო კოვიდ–სასტუმროებში 840 ადამიანი იმყოფება.
ბოლო 24 საათში ჩატარდა 2 795 კვლევა ტესტით, მათ შორის ანტიგენის სწრაფი ტესტით – 1 868, PCR ტესტით – 927.
საქართველოში კორონავირუსის პირველი შემთხვევა 26 თებერვალს დაფიქსირდა.