დღეიდან მსურველები საახალწლოდ მორთული ორბელიანების სასახლის ეზოს დათვალიერებას შეძლებენ

© photo: Salome Zourabichvili / FBსაახალწლოდ მორთული პრეზიდენტის რეზიდენცია
საახალწლოდ მორთული პრეზიდენტის რეზიდენცია - Sputnik საქართველო
გამოწერა
ორბელიანების სასახლე, სადაც ახლა საქართველოს პრეზიდენტი მუშაობს, დამთვალერებლებს მთელი კვირის განმავლობაში უმასპინძლებს.

თბილისი, 31 დეკემბერი — Sputnik. ათონელის ქუჩაზე მდებარე ორბელიანების სასახლე – საქართველოს პრეზიდენტის რეზიდენცია ახალი წლის დღეებში დამთვალიერებლებს მიიღებს, ნათქვამია სახელმწიფოს მეთაურის Facebook-გვერდზე.

ნებისმიერი მსურველი 31 დეკემბრიდან 7 იანვრამდე საახალწლოდ მორთული ორბელიანების სასახლის ეზოსა და საახალწლო ნაძვის ხის დათვალიერებას შეძლებს.

„ნებისმიერ მსურველს საახალწლოდ მორთული ორბელიანების სასახლის ეზოს და საახალწლო ნაძვის ხის დათვალიერების შესაძლებლობა ექნება. საქართველოს პრეზიდენტის ადმინისტრაცია გილოცავთ ახალ წელს და სიხარულსა და ბედნიერებას გისურვებთ“, - ნათქვამია ინფორმაციაში.

მსურველები სასახლის ეზოს დათვალიერებას 10:00 საათიდან 20:00 საათამდე შეძლებენ.

სალომე ზურაბიშვილმა, რომელიც საქართველოს პრეზიდენტი 2018 წლის 16 დეკემბერს გახდა, უარი თქვა მესამე პრეზიდენტის მიხეილ სააკაშვილის დროს განახლებული ავლაბრის რეზიდენციის დაკავებაზე და ათონელის ქუჩაზე, ორბელიანების სასახლეში მუშაობის სურვილი გამოთქვა.

რემონტის დასრულების შემდეგ ორბელიანის სასახლეს ძველებური იერი დაუბრუნეს და ანტიკვარული ავეჯითა და ინვენტარით მოაწყვეს. ძველი ავეჯის ნაწილი ადგილობრივ ოჯახებში, ხოლო ნაწილი საზღვარგარეთ შეიძინეს.

ყველა ახალი ამბავი
0