თბილისი, 23 დეკემბერი – Sputnik. ვანის მუნიციპალიტეტის მერის მოადგილე გონერ მეფარიშვილი კორონავირუსით გარდაიცვალა, იუწყება ტელეკომპანია „რუსთავი 2“.
გავრცელებული ინფორმაციით, მეფარიშვილი თბილისის ერთ-ერთ კლინიკაში მკურნალობის კურსს სამი კვირის განმავლობაში გადიოდა. ექიმების განცხადებით, პაციენტის ჯანმრთელობის მდგომარეობა მძიმე იყო, იგი ხელოვნური სუნთქვის აპარატზე იყო შეერთებული.
გასულ დღე-ღამეში საქართველოში ახალი კორონავირუსით 51 ადამიანი გარდაიცვალა და გარდაცვლილთა საერთო რაოდენობამ 2.233-ს მიაღწია. ინფიცირებულთა საერთო რაოდენობამ კი, ბოლო მონაცემებით, 214.871-ს მიაღწია.
საქართველოში კორონავირუსის პირველი შემთხვევა 26 თებერვალს დაფიქსირდა.