პოპულარული წყვილის მორიგი პოზიტიური და პატარა ვიდეო-თავსატეხი. TikTok-ის მოყვარულმა ცოლ-ქმარმა „ფოლოვერების“ გახალისება სცადა. „როგორ ატარებთ დროს ე.წ. „ლოქდაუნის“ პერიოდში“ - ამ ინტერაქტივით გამოაქვეყნა მუსიკოსმა ვიდეო, რომელმაც რამდენიმე საათში 80 ათასზე მეტი მოწონება და თაყვანისმცემლებში ქაოსი გამოიწვია.
View this post on Instagram
სოციალური პლატფორმა განსაკუთრებით აქტუალური კორონავირუსის პანდემიისას გახდა. მუსიკოსმა ბერა ივანიშვილმა და მისმა მეუღლემ ნანუკა გუდავაძემ გადაწყვიტეს არ ჩამორჩნენ მოდას და სახალისო ვიდეოებით გაანებივრონ მაყურებელი. წყვილი „ფეისბუქის“ მხოლოდ მნიშვნელოვანი განცხადებების გასაკეთებლად გამოყენებას გეგმავს, ხოლო „ინსტაგრამის“ სივრცე მათთვის გასართობ საშუალებად იქცა. ვიდეოს ნახვის შემდეგ თქვენც ეცდებით TikTok-ის ამ ტრენდს რამდენიმე მცდელობის შემდეგ აჰყვეთ.
View this post on Instagram
ვიდეოებში მათი ვაჟი - ბერუკაც ხშირად მონაწილეობს, რომელიც ცნობილ წყვილს 2019 წლის ნოემბერში შეეძინა და უკვე დიდი პოპულარობით სარგებლობს სოცქსელებში. ისინი ორი წლის წინ დაქორწინდნენ და ერთ-ერთ პოპულარულ წყვილად ითვლებიან საქართველოში. ცოტა ხნის წინ ბერამ ახალი ოჯახური ფოტოებიც გამოაქვეყნა. როგორც ჩანს, ოჯახი გადაღებებს დიდ დროს უთმობს.
View this post on Instagram
კომპოზიტორი და შემსრულებელი ბერა ივანიშვილი ცნობილი ოჯახის შვილია. მიუხედავად იმისა, რომ პოლიტიკისგან შორს არის, კარიერის დასაწყისში მამის პარტიას სიმღერებს უძღვნიდა, ახლა კი მისი კომპოზიციები ნანუკა გუდავაძეს ეძღვნება. საზოგადოებისთვის უცნობია, თუ სად გაიცნეს ერთმანეთი ბერამ და ნანუკამ.