სოსო პავლიაშვილმა ჯვარი დაიწერა – ნახეთ როგორი ქორწილი გადაიხადა წყვილმა

სოსო პავლიაშვილის და ირინა პატლახის წყვილი რუსეთში დიდი პოპულარობით სარგებლობს. ვარსკვლავური წყვილის ურთიერთობა თავდაპირველად მეგობრობით დაიწყო, თუმცა მოგვიანებით ოჯახი შექმნეს და უკვე 20-წლიანი ჰარმონიული თანაცხოვრება აკავშირებთ.

ირინას მშობლები წინააღმდეგი იყვნენ, რადგან პავლიაშვილს მექალთანის რეპუტაცია ჰქონდა. თუმცა მან მოახერხა ირინას მშობლების დარწმუნება. ახლა მათი უფროსი ქალიშვილი ელისაბედი 16 წლისაა, ხოლო სანდრა – 12-ის.

წყვილს ხელი ამ დრომდე არ მოუწერია, სამაგიეროდ ცნობილი გახდა, რომ მათ რამდენიმე დღის წინ ჯვარი დაიწერეს და ონლაინ სუფრაც გაშალეს. ამის შესახებ პავლიაშვილმა ერთ-ერთ გადაცემაში განაცხადა.

„რამდენიმე დღის წინ, ღვთის შეწევნით, დავიწერეთ ჯვარი. სურვილი დიდი ხანია გვქონდა, მაგრამ ნელ-ნელა უნდა მიხვიდე სასურველი მიზნისკენ. მღვდელმა აიღო ყველაფერი თავის თავზე და ყველაზე მეტადაც ნერვიულობდა. ჩვენ ტელეხიდი გავაკეთეთ საქართველოსთან და მაშინვე დავასხით ღვინო ჭიქებში“, – ამბობს სოსო. ცერემონიას ესწრებოდნენ წყვილის ქალიშვილები და სოსო პავლიაშვილის უფროსი ვაჟი პირველი ქორწინებიდან - ლევანი.