თბილისი, 1 ნოემბერი – Sputnik. საქართველოში ბოლო 24 საათში გამოვლენილი კორონავირუსის 1791 შემთხვევიდან ყველაზე მეტი — 532 შემთხვევა, თბილისში დაფიქსირდა, განაცხადა საქართველოს მთავრობის ადმინისტრაციის უფროსმა ნათია მეზვრიშვილმა.
ინფიცირებულთა შემთხვევების რაოდენობით მეორე ადგილზე კვლავ აჭარაა, მესამეზე კი იმერეთის რეგიონი.
დღეისათვის კორონავირუსით ინფიცირების სტატისტიკა რეგიონების მიხედვით ასეთია: აჭარა — 369, იმერეთი — 392, ქვემო ქართლი — 86, შიდა ქართლი — 62, გურია — 29, სამეგრელო და ზემო სვანეთი — 187, კახეთი — 57, სამცხე-ჯავახეთი — 56, რაჭა-ლეჩხუმი და ქვემო სვანეთი — 21.
„ამ ეტაპზე აქტიური ინფიცირების შემთხვევა არის 15 262. საავადმყოფოში 4 188 ადამიანი მკურნალობს, მათ შორის, თბილისის საავადმყოფოებში 2 046, აჭარაში კი 696“, — განაცხადა მეზვრიშვილმა.
ოფიციალური ინფორმაციით, საქართველოში კორონავირუსით დაავადებულთა რაოდენობა ბოლო დღე-ღამეში 1791-ით გაიზარდა და საერთო რიცხვმა 40 727-ს მიაღწია.
ბოლო დღე-ღამეში ახალი კორონავირუსით კიდევ 28 ადამიანი გარდაიცვალა.
COVID-19 საქართველოში: რამდენი შემთხვევა გამოვლინდა ბოლო დღე-ღამეში>>
ამ დროისთვის სულ გამოჯანმრთელდა 25 104 ადამიანი (ბოლო 24 საათში – 2 413), გარდაიცვალა – 335, კარანტინის რეჟიმშია 3007, სტაციონარებში ექიმების დაკვირვების ქვეშ 4188 პაციენტია, ხოლო კოვიდ–სასტუმროებში 2204 ადამიანი იმყოფება.
საქართველოში კორონავირუსის პირველი შემთხვევა 26 თებერვალს დაფიქსირდა.
