10:12 01 დეკემბერი 2020
პირდაპირი ეთერი
  • EUR3.9840
  • 100 RUB4.3704
  • USD3.3253
საზოგადოება
მოკლე ბმულის მიღება
COVID-19 საქართველოში (2590)
167 0 0

მიუხედავად ქვეყანაში გართულებული ეპიდვითარებისა, მთავრობა სისტემური შეზღუდვების შემოღებას არ გეგმავს და წერტილოვანი შეზღუდვებით შემოიფარგლება.

თბილისი, 27 ოქტომბერი – Sputnik. საქართველოს მთავრობამ კორონავირუსით ინფიცირებულთა რაოდენობის ზრდის გამო 10 სექტემბერს ქვეყანაში პანდემიის მეორე ტალღის დაწყება გამოაცხადა. 

შეზღუდვების შემოღება ეტაპობრივად ხორციელდებოდა, რომლებიც, პირველ რიგში, შეეხო აჭარას, სადაც ზაფხულის შემდეგ ეპიდვითარება განსაკუთრებით გაუარესდა და რეგიონი „წითელ ზონად“ გამოცხადდა.

მთავრობის გადაწყვეტილებით, აჭარაში ყველა სასწავლო დაწესებულება სწავლების დისტანციურ რეჟიმზე გადავიდა. 24 სექტემბრიდან მუნიციპალური და საქალაქთაშორისო ტრანსპორტი გაჩერდა, რესტორნებსა და კაფე–ბარებს კი მომხმარებელთა მომსახურება 22:00 საათის შემდეგ შეეზღუდათ.

კორონავირუსის გავრცელების მომატებული რისკის გამო ცაგერის მუნიციპალიტეტის ორი სოფელი – ორბელი და ლაჟანი 10 სექტემბრიდან ჩაიკეტა.

მეზვრიშვილი: ქვეყანაში სისტემური შეზღუდვების დაწესება არ იგეგმება>>>

საქართველოს პრემიერ-მინისტრის გიორგი გახარიას განცხადებით, პანდემიის გამოცხადებიდან რვა თვის შემდეგ არავის მოუგონია კორონავირუსთან ბრძოლის წინააღმდეგ „უფრო ეფექტური საშუალება, ვიდრე პირბადის ტარება და დისტანციის დაცვაა“. იგი მოსახლეობას ეპიდემიოლოგების რეკომენდაციების დაცვისკენ მოუწოდებს.

ქვეყანაში დღეს მოქმედი შეზღუდვები:

– 31 ოქტომბრამდე შეზღუდულია საერთაშორისო ავიამიმოსვლა (1 ნოემბრიდან ავიაკომპანიები ათ რეგულარულ ავიარეისებს აღადგენენ დოჰადან (ყატარი), ვარშავიდან (პოლონეთი), ათენიდან (საბერძნეთი), ამსტერდამიდან (ნიდერლანდები), ვენიდან (ავსტრია), ბერლინიდან (გერმანია), მილანიდან (იტალია); ქუთაისში – კატოვიცედან (პოლონეთი), ვილნიუსიდან (ლიეტუვა) და დორტმუნდიდან (გერმანია).

– დიდ ქალაქებში რესტორნები და კაფე–ბარები 22:00 საათამდე მუშაობენ

– აკრძალულია 200-ზე მეტი ადამიანის მონაწილეობით დახურულ და ღია სივრცეებში კულტურული და სპორტული ღონისძიებები გამართვა

– აკრძალულია სარიტუალო ღონისძიებების – ქორწილების, იუბილეების, ქალეხების (10-ზე მეტი ადამიანი) გამართვა

– მთლიანად შეჩერებულია ღამის კლუბების მუშაობა

– კინოთეატრების, თეატრების, საბავშვო გასართობი ცენტრების გახსნა 2020 წლის 1 ნოემბრამდე გადაიდო 

– საქართველოს სკოლებში შემოღებულია სწავლების შერეული (საკლასო ოთახებსა და დისტანციურად) მოდელი

– საზოგადოებრივ ტრანსპორტში აუცილებელია პირბადის გამოყენება

– პირბადის ტარება აუცილებელია დახურულ საჯარო სივრცეში, რეკომედებულია ასევე ღია სივრცეშიც.

– თბილისში, ქუთაისში, ზუგდიდსა და ფოთში უმაღლესმა სასწავლო დაწესებულებებმა 19 სექტემბრიდან ლაბორატორიული და პრაქტიკული მეცადინეობები აუდიტორიებში, თეორიული სწავლება კი დისტანციურად განაახლეს.

როგორც მთავრობაში აცხადებენ, ქვეყანაში სისტემური შეზღუდვების შემოღება არ იგეგმება და მთავარი სტრატეგია – წერტილოვანი შეზღუდვებია.

ახალი კორონავირუსით დაავადებულთა რაოდენობა ბოლო დღე-ღამეში 1824-ით გაიზარდა და საერთო რიცხვმა 32127-ს მიაღწია. ამ დროისათვის სულ გამოჯანმრთელდა 12632 ადამიანი, გარდაიცვალა 238 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

თემები:
COVID-19 საქართველოში (2590)

მთავარი თემები