13:42 20 ივნისი 2021
პირდაპირი ეთერი
  • EUR3.7754
  • 100 RUB4.3879
  • USD3.1681
საზოგადოება
მოკლე ბმულის მიღება
COVID-19 საქართველოში (2862)
110 0 0

თბილისისა და იმერეთის რეგიონის მსგავსად, ღამის 10 საათიდან რესტორნებისა და კაფეების მუშაობა მცხეთაშიც იკრძალება.

თბილისი, 20 ოქტომბერი – Sputnik. მცხეთის მუნიციპალიტეტში 22:00 საათიდან რესტორნები მუშაობას შეწყვეტენ, განაცხადა საქართველოს მთავრობის ადმინისტრაციის უფროსმა ნათია მეზვრიშვილმა საკოორდინაციო საბჭოს სხდომის დასრულების შემდეგ.

იცავენ თუ არა ბარები და რესტორნები ახალ წესებს – შრომის ინსპექციის მონიტორინგი>>

რესტორნები თბილისსა და იმერეთის რეგიონში, კორონავირუსის პანდემიის გავრცელების აღკვეთის მიზნით, 16 ოქტომბრიდან მუშაობის შეზღუდულ რეჟიმზე გადავიდნენ – მათ სტუმრების მომსახურება მხოლოდ ღამის 10 საათამდე შეუძლიათ. გუშინ აღინიშნა, რომ თბილისში რესტორნების დაკეტვის გამო მოქალაქეებმა მცხეთაში გადაინაცვლეს.

„როგორც ჩანს, ჩვენმა მოქალაქეებმა გადაინაცვლეს მცხეთაში, თბილისის მიმდებარე ტერიტორიაზე. მიღებული იქნა გადაწყვეტილება, რომ მცხეთის მუნიციპალიტეტშიც 22:00 საათიდან რესტორნები დაიკეტება, ის რეჟიმი ამოქმედდება, რაც არის ქვეყნის სხვა ტერიტორიაზე რესტორნებთან მიმართებით“, – განაცხადა მეზვრიშვილმა.

ბათუმში რესტორნების მუშაობის გრაფიკი კიდევ უფრო ადრე შეიზღუდა.

საქართველოში ბოლო დროს კორონავირუსით ინფიცირების შემთხვევები ძალიან გაიზარდა. დღეს ახალი 1194 შემთხვევა დაფიქსირდა და მთლიანობაში ინფიცირებულთა რაოდენობამ 19857-ს მიაღწია. სულ გამოჯანმრთელდა 8666 ადამიანი, გარდაიცვალა – 158, მათ შორის ბოლო 24 საათში – 15, კარანტინის რეჟიმში იმყოფება 6407, სტაციონარებში ექიმების დაკვირვების ქვეშ 2862 პაციენტია, ხოლო კოვიდ–სასტუმროებში 1420 ადამიანი იმყოფება.

თემები:
COVID-19 საქართველოში (2862)

მთავარი თემები