მსახიობმა დათო კაზიშვილმა საზოგადოებას თავი დაამახსოვრა 1992 წელს გამოსული ფილმიდან „უძინართა მზე“, ექიმი გელა ბენდელიანის შვილის როლით. მას შემდეგ სხვა როლები არ ყოფილა, თუმცა მსახიობი, რომლის გმირსაც ფილმში ასევე დათო ჰქვია, დღემდე ისევ დათო ბენდელიანად დარჩა.
დათო კაზიშვილი 2019 წლის 15 ოქტომბერს 50 წლის გახდა. სოციალურ ქსელში ხშირად ვრცელდება ფოტოები, სადაც წვერმოშვებული მსახიობი რთულად იცნობა. არ კონტაქტობს მედიასთან, არ უყვარს ჟურნალისტებთან საუბარი. არაერთხელ გავრცელდა ჭორი მისი გარდაცვალების შესახებ. ითქვა ისიც, რომ ბერად აღიკვეცა. ქართულ მედიაში ვრცელდება ინფორმაცია, რომ ის ერთი წელია მონასტერში ცხოვრობს.
მსახიობს 2019 წლის მარტში მესამე შვილი შეეძინა. ყოფილ მოკრივეს კრივის ფედერაციამ იუბილე სოციალურ ქსელში ოფიციალურ გვერდზე მიულოცა. პირველი ქორწინებიდან 20 წლის გოგონა ნიკი ჰყავს. მეორედ დაოჯახების შემდეგ დათოს თეკლა შეეძინა. თეკლა გაიზარდა და მამას საოცრად ჰგავს. სოციალურ ქსელში ხშირად აქვეყნებს ფოტოებს და სვამს კითხვას, ჰგავს თუ არა მამას.
დათო კაზიშვილი დღემდე ძალიან პოპულარულია ყველა თაობის ქართველში, ვისაც კი უნახავს ფილმი. სოციალურ ქსელში თავად არ აქტიურობს, მაგრამ აქტიურობენ მისი თაყვანისმცემლები და ხშირად აქვეყნებენ საყვარელ მსახიობთან ერთად გადაღებულ ფოტოებს, ტექსტებით: „შეხედეთ, ეს უძინართა მზის დათოა“, „იცანით დათო, უძინართა მზიდან“.