WizzAir -მა პირველი რეგულარული რეისი რიგა–ქუთაისი შეასრულა

© Facebook / Wizz Air Wizz Air
 Wizz Air - Sputnik საქართველო
გამოწერა
WizzAir -მა რეგულარული ავიარეისები 4 ოქტომბერს განაახლა – ამ ეტაპზე ავიაკომპანია ფრენებს კვირაში ერთხელ შეასრულებს.

თბილისი, 5 ოქტომბერი – Sputnik.  ექვსთვიანი პაუზის შემდეგ უნგრულმა დაბალბიუჯეტიანმა ავიაკომპანიამ  პირველი რეგულარული ავიარეისი რიგა-ქუთაისი-რიგა შეასრულა და ლატვიის დედაქალაქიდან  საქართველოში 108 მგზავრი ჩამოიყვანა, იუწყება საქართველოს აეროპორტების გაერთიანება. 

ქუთაისის აეროპორტი - Sputnik საქართველო
დღეიდან ქუთაისიდან რიგის მიმართულებით ავიარეისები განახლდება

ჩამოფრენილ მგზავრბს შორის  96 საერთაშორისო ვიზიტორია,  12 კი საქართველოს მოქალაქეები, რომლებიც ქვეყანაში მოქმედი პროტოკოლის შესაბამისად, აეროპორტიდან  საკარანტინო სივრცეებში გადაიყვანეს.

მგზავრებს ,,საქართველოს აეროპორტების გაერთიანების“ ორგანიზებით სიმბოლური საჩუქრები დაურიგდათ.

Wizz Air–მა რეგულარული ფრენები კვირას აღადგინა – ამ ეტაპზე რეისები კვირაში ერთი სიხშირით განხორციელდება. ქვეყანაში არსებული ეპიდვითარების მიხედვით, სიხშირეებისა და მიმართულებების რაოდენობა ეტაპობრივად გაიზრდება.

COVID 19-ის პანდემიის პერიოდში არსებული შეზღუდვებიდან გამომდინარე, ქუთაისის საერთაშორისო აეროპორტში მხოლოდ ჩარტერული და არაკომერციული რეისები ხორციელდებოდა.

როგორც საქართველოს აეროპორტების გაერთიანებაში განმარტეს, ქუთაისის აეროპორტი პანდემიის პირობებში რეგულარულ ავიარეისებს დაწესებული რეგულაციების სრული დაცვით შეასრულებს.

2019 წელს ქუთაისის საერთაშორისო აეროპორტი დაახლოებით 874 ათას მგზავრს მოემსახურა.

ყველა ახალი ამბავი
0