05:01 27 სექტემბერი 2020
პირდაპირი ეთერი
  • EUR3.8812
  • 100 RUB4.2875
  • USD3.3332
საზოგადოება
მოკლე ბმულის მიღება
COVID-19 საქართველოში (1819)
14210

COVID-19-ით ინფიცირებული პაციენტებისთვის კლინიკა „ბომონდში“ ცალკე კორპუსი გამოიყო სპეციფიკური ინფრასტრუქტურით.

თბილისი, 14 სექტემბერი – Sputnik. ქუთაისში კორონავირუსით ინფიცირებული პაციენტების მკურნალობაში კლინიკა „ბომონდი“ ჩაერთო, იუწყება ტელეკომპანია Rustavi2.

კლინიკამ გვიან ღამით პირველი ინფიცირებულები – 11 პაციენტი მიიღო. აქედან შვიდი ბავშვია და კიდევ ერთი – ორსული.

კორონავირუსის მორიგი მცირეწლოვანი სამიზნე დღეს აფხაზეთიდან გადმოიყვანეს>>

ახალი ინფიცირებული პაციენტებიდან 10 ქუთაისის მცხოვრებია, ერთი არასრულწლოვანი კლინიკაში ქობულეთიდან გადმოიყვანეს.

„ბომონდში“ გამოყოფილია ერთი კორპუსი, რომელიც სპეციალურად კორონავირუსის მქონე პაციენტებისთვის სპეციფიკური სამედიცინო ინფრასტრუქტურითა და ბოქსირებული პალატებით არის აღჭურვილი. კლინიკის ამ კორპუსში სპეციალურად გადამზადებული მედპერსონალი მუშაობს.

კლინიკის დანარჩენ ნაწილში პაციენტები გეგმურ ან გადაუდებელ სამედიცინო მომსახურებას მიიღებენ.

ბოლოდ დღე-ღამეში საქართველოში კორონავირუსით ინფიცირებულთა რაოდენობა 165-ით გაიზარდა და 2392-ს მიაღწია. პანდემიის დაწყებიდან დღემდე გამოჯანმრთელდა 1369 ადამიანი, გარდაცვლილია 19 პაციენტი.

კორონავირუსის პირველი შემთხვევა საქართველოში 26 თებერვალს დაფიქსირდა.

თემები:
COVID-19 საქართველოში (1819)

მთავარი თემები