თბილისი, 27 აგვისტო — Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 11-ით გაიზარდა და 1447-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.
ამ დროისათვის გამოჯანმრთელდა 1190 ადამიანი (ბოლო დღე-ღამეში – 40), გარდაცვლილია – 19, კარანტინის რეჟიმში იმყოფება 5943, ხოლო სტაციონარებში ექიმების დაკვირვების ქვეშ 252 პაციენტია.
ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.
საქართველოში კორონავირუსის პირველი შემთხვევა 26 თებერვალს დაფიქსირდა.