07:47 16 იანვარი 2021
პირდაპირი ეთერი
  • EUR4.0033
  • 100 RUB4.4956
  • USD3.2987
საზოგადოება
მოკლე ბმულის მიღება
განათლება საქართველოში (354)
607 0 0

რექტორის არჩევნებში მონაწილეობა თსუ-ის აკადემიური საბჭოს 37-მა წევრმა მიიღო, რომელთაგან 32-მა ერთ კანდიდატს დაუჭირა მხარი.

თბილისი, 4 აგვისტო – Sputnik. ივანე ჯავახიშვილის სახელობის თბილისის სახელმწიფო უნივერსიტეტის (თსუ) რექტორად მეორე ვადით მოქმედი რექტორი გიორგი შარვაშიძე აირჩიეს.

თსუ-ის რექტორის არჩევნები დღეს, 4 აგვისტოს ჩატარდა. პრეტენდენტებთან გასაუბრება დისტანციურად, Zoom-ის საშუალებით გაიმართა.

Георгий Шарвашидзе
გიორგი შარვაშიძე - თსუ-ს რექტორი

შარვაშიძის გარდა არჩევნებში უნივერსიტეტის კავკასიოლოგიის ინსტიტუტის დირექტორი ცირა ბარამიძე და ფილოსოფიურ მეცნიერებათა დოქტორი გიორგი ბარამიძე მონაწილეობდნენ. მათ თითო-თითო ხმა მიიღეს. სამი ბიულეტენი ბათილად ცნეს.

არჩევნებში მონაწილეობა აკადემიური საბჭოს 37-მა წევრმა მიიღო. გიორგი შარვაშიძეს მხარი საბჭოს 32-მა წევრმა დაუჭირა, ხოლო გიორგი ბარამიძემ და ცირა ბარამიძემ თითო ხმა მიიღეს. სამი ბიულეტენი ბათილად ცნეს.

არჩევნების შედეგები ძალაში 2020 წლის 24 სექტემბერს, მოქმედი რექტორის უფლებამოსილების ამოწურვის შემდეგ შევა.

გიორგი შარვაშიძე თბილისის სახელმწიფო უნივერსიტეტის რექტორის თანამდებობას 2016 წლიდან იკავებს.

თემები:
განათლება საქართველოში (354)

მთავარი თემები