თბილისი, 14 ივლისი – Sputnik. ბოლო დღე-ღამეში საქართველოში კორონავირუსით ინფიცირების ოთხი ახალი შემთხვევა გამოვლინდა. ოთხივე სატვირთო ავტომობილის მძღოლია, განუცხადა ჟურნალისტებს თბილისის ინფექციური საავადმყოფოს სამედიცინო დირექტორმა მარინა ეზუგბაიამ.
ინფექციონისტის თქმით, ყველა ახალი შემთხვევა შემოტანილია.
ამ დროისთვის ქვეყნის COVID-ცენტრებში 142 პაციენტი მკურნალობს.
ოფიციალური მონაცემებით, ქვეყანაში ინფიცირებულების საერთო რაოდენობაა 999.
ბოლო დღე-ღამეში განიკურნა 13 პაციენტი და გამოჯანმრთელებულების რაოდენობა მთლიანად 870-ს შეადგენს. გარდაიცვალა 15 ადამიანი.
ამას გარდა, სხვა ქვეყნებიდან ჩამოყვანილია საქართველოს 31 ინფიცირებული მოქალაქე. მათ შორისაა 28 სამხედრო მოსამსახურე. კარანტინშია განთავსებული 5001, ხოლო სტაციონარებში ექიმების მეთვალყურეობის ქვეშ 219 ადამიანია.
