რომელი ჭარბობს: „იმპორტირებული" შემთხვევები თუ ინფიცირების დაუდგენელი წყაროები

© Sputnik / Viktor Kaminskyრუსთაველის გამზირი
რუსთაველის გამზირი - Sputnik საქართველო
გამოწერა
ახალ ინფიცირებულებს შორის ორი სტუდენტია, რომლებიც სომხეთში სწავლობდნენ და დაბრუნდნენ – მათ ვირუსი საკარანტინო სივრცეში დაუდგინდათ.

თბილისი, 23 ივნისი — Sputnik. ბოლო დღე-ღამეში საქართველოში გამოვლენილი კორონავირუსის სამი ახალი შემთხვევიდან ორი საკარანტინო სივრცეს უკავშირდება, ერთის ინფიცირების წყაროს დადგენა კი ვერ მოხერხდა, განაცხადა ჟურნალისტებთან თბილისის ინფექციური საავადმყოფოს სამედიცინო დირექტორმა მარინა ეზუგბაიამ.

მოცემულ მომენტში „კოვიდ-ცენტრებში" 129 პაციენტი მკურნალობს.

რაც შეეხება უშუალოდ ინფექციურ საავადმყოფოში მყოფ პაციენტებს, მათი რაოდენობა 24-ია. ყველა მათგანის ჯანმრთელობის მდგომარეობა ფასდება როგორც საშუალო და მსუბუქი სიმძიმის.

ტესტი კორონავირუსზე - Sputnik საქართველო
COVID-19 საქართველოში: რამდენია გამოჯანმრთელებულთა რაოდენობა

კლინიკაში კორონავირუსის დიაგნოზით ორი ახალი პაციენტია მოთავსებული, ორმა გამოჯანმრთელებულმა კი დაწესებულება უკვე დატოვა.

„ორი ახალი დადასტურებული შემთხვევიდან მძიმე არც ერთი არ არის. ერთს აღენიშნება მსუბუქი პნევმონია, მეორეს – არა. ორივე შემთხვევა შემოტანილია. ეს არის ორი სტუდენტი, რომლებიც სომხეთში სწავლობდნენ და დაბრუნდნენ, იმყოფებოდნენ კარანტინში, სადაც ვირუსი გამოუვლინდათ და შემოიყვანეს ჩვენთან", – განაცხადა ეზუგბაიამ.

გასულ დღე-ღამეში საქართველოში კორონავირუსით ინფიცირებულთა რაოდენობა სამით გაიზარდა და 911-ს მიაღწია.

გამოჯანმრთელდა 768 ადამიანი, გარდაიცვალა – 14, კარანტინის რეჟიმში იმყოფება 2662, ხოლო სტაციონარებში ექიმების დაკვირვების ქვეშ 255 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა.

ყველა ახალი ამბავი
0