03:36 05 ივნისი 2020
პირდაპირი ეთერი
  • EUR3.3422
  • 100 RUB4.3130
  • USD2.9841
საზოგადოება
მოკლე ბმულის მიღება
ავიამიმოსვლა საქართველოში (118)
4110

ახალი ტერმინალი, რომლის მშენებლობაც 2017 წელს დაიწყო, ოთხჯერ გაზრდის ქუთაისის აეროპორტის გამტარუნარიანობას.

თბილისი, 22 მაისი  — Sputnik. ქუთაისის დავით აღმაშენებლის საერთაშორისო აეროპორტში ახალი სამგზავრო ტერმინალის მშენებლობის მორიგი ეტაპი დასრულდა, იუწყება საქართველოს აეროპორტების გაერთიანების პრეს-სამსახური.

ქუთაისის აეროპორტის ახალი სამგზავრო ტერმინალი, რომელიც არსებულ ტერმინალზე ოთხჯერ უფრო დიდი იქნება, ექსპლუატაციაში შემოდგომიდან შევა. ტერმინალი საათში 1,2 ათასი მგზავრის მომსახურებას შეძლებს. 

ახალი ტერმინალის მშენებლობა უკვე დასრულებულია და ამ ეტაპზე საინჟინრო-საკომუნიკაციო სამუშაოები მიმდინარეობს. უკვე დასრულებულია ტერმინალის ტერასის, ფასადის, ვიტრაჟებისა და სახურავის მოწყობის სამუშაოები. ახალ ტერმინალს აქვს ე.წ. „მწვანე გადახურვა“, სადაც გათვალისწინებულია ღია ტერასები გამწვანებით.

ამ დროისათვის უკვე დასრულებულია აეროპორტის შიდა ტიხრებისა და იატაკის მოწყობა. ასევე მიმდინარეობს ბარგის მართვის სისტემის მონტაჟი. უახლოეს მომავალში დაიწყება შიდა ინტერიერის მოწყობა, რომელიც კორონავირუსის პანდემიის გამო დროებით იყო გადადებული.

ახალი ტერმინალის სარემონტო სამუშაოების დასრულების შემდეგ არსებული ტერმინალის განახლება დაიწყება, რის შემდეგაც ორივე გაერთიანდება და აეროპორტს ექნება საერთო ტერმინალი - მოფრენისა და გაფრენის დარბაზებით, ასევე ყველა იმ აღჭურვილობით, რომელიც სრულყოფილი მუშაობისთვის არის საჭირო. 

ახალი ტერმინალის მშენებლობა 2017 წლის აგვისტოში დაიწყო. ის ოთხჯერ გაზრდის ქუთაისში აეროპორტის გამტარუნარიანობას. აეროპორტის გაფართოება სამთავრობო პროგრამის ნაწილია, რომელიც საქართველოს სატრანზიტო პოტენციალის გაზრდას ისახავს მიზნად.

ქუთაისის დავით აღმაშენებლის სახელობის საერთაშორისო აეროპორტი 2012 წელს გაიხსნა. ის სიდიდით საქართველოში მეორე აეროპორტია, მდებარეობს ქალაქის ცენტრიდან დასავლეთით, 14 კმ-ში, საიდანაც მსოფლიოს სხვადასხვა მიმართულებით რეისებს დაბალბიუჯეტიანი კომპანიები ახორციელებენ.

2019 წელს მგზავრთა ნაკადი ქუთაისის აეროპორტში 42%-ით გაიზარდა და აეროპორტმა დაახლეობით 900 ათასი მგზავრი მიიღო.

თემები:
ავიამიმოსვლა საქართველოში (118)

მთავარი თემები