Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

მარნეულის სასწრაფო დახმარების რვა თანამშრომელს კორონავირუსი დაუდასტურდა

© Sputnik / Alexander Imedashviliსასწრაფო დახმარების ბრიგადა
სასწრაფო დახმარების ბრიგადა - Sputnik საქართველო
გამოწერა
მარნეულის მუნიციპალიტეტში კორონავირუსი გუშინ სასწრაფო სამედიცინო დახმარების მენეჯერსაც დაუდასტურდა

თბილისი, 2 მაისი - Sputnik. მარნეულის სასწრაფო სამედიცინო დახმარების რვა თანამშრომელს Covid-19  დაუდასტურდა, იუწყება საზოგადოებრივი მაუწყებლის პირველი არხი.

მარნეულის საზოგადოებრივი ჯანდაცვის ცენტრის  ინფორმაციით, ლუგარის ლაბორატორიაში მარნეულიდან სულ 64 ნიმუში იყო გაგზავნილი.

გავრცელებული ინფორმაციით, რვა დადასტურებული შემთხვევიდან ყველა სასწრაფო სამედიცინო დახმარების თანამშრომელია. აქედან ხუთი მარნეულის მკვიდრია, სამი კი სხვა მუნიციპალიტეტის, თუმცა, ისინი მარნეულში მუშაობდნენ.

ექიმი - Sputnik საქართველო
ბოლნისში ადგილობრივებმა კორონავირუსით ინფიცირებული პაციენტები ექიმებს არ გაატანეს

სასწრაფო დახმარების ინფიცირებული თანამშრომლების ჯანმრთელობის მდგომარეობა ამ ეტაპზე დამაკმაყოფილებელია. მათ დღეს თბილისის სპეციალიზებულ კლინიკებში გადაიყვანენ.

მარნეულის მუნიციპალიტეტში კორონავირუსი გუშინ სასწრაფო სამედიცინო დახმარების მენეჯერსაც დაუდასტურდა.

დღეს საქართველოში კორონავირუსით ინფიცირებული კიდევ ერთი, მერვე პაციენტი გარდაიცვალა. ბოლო მონაცემებით, Covid-19  საქართველოში 582 ადამიანს დაუდასტურდა, აქედან 207 უკვე გამოჯანმრთელდა.

 ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.

 

ყველა ახალი ამბავი
0