Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

აგარაკებისკენ გზა გაიხსნა – სოფლის მეურნეობის სამინისტრო სპეცნებართვებს გასცემს

გამოწერა
აღნიშნული ნებართვის მისაღებად საჭიროა ქალაქიდან გასვლამდე 12 საათით ადრე მოქალაქემ უწყების ვებ-გვერდზე სპეციალური ფორმა შეავსოს.

თბილისი, 29 აპრილი – Sputnik. მიუხედავად საქალაქთაშორისო გადაადგილებაზე შეზღუდვებისა, თბილისელები ქალაქიდან გასვლას და საგაზაფხულო სასოფლო-სამეურნეო სამუშაოების ჩატარებას შეძლებენ, ნათქვამია გარემოს დაცვისა და სოფლის მეურნეობის სამინისტროს Facebook-გვერდზე გავრცელებულ განცხადებაში. 

პური - Sputnik საქართველო
პური არ გაძვირდება: მინისტრმა ფასწარმოქმნის საფუძვლები განმარტა

გუშინ, 21:00 საათზე ორდღიანი ვადა ამოიწურა მათთვის, ვისაც ფაქტობრივ საცხოვრებელ ადგილზე დაბრუნების სურვილი ჰქონდა. თბილისი, რუსთავი, ბათუმი და ქუთაისი კვლავ დაიკეტა. კორონავირუსის გავრცელების პრევენციის მიზნით აღნიშნულ ქალაქებში 15 აპრილს საკონტროლო-გამშვები პუნქტები მოეწყო და მკაცრი კონტროლი დაწესდა.

თუმცა, დღეიდან თბილისის მოსახლეობა სასოფლო-სამეურნეო სამუშაოების ჩატარების მიზნით ქალაქიდან გასვლას 06:00-დან 08:00 საათამდე, ხოლო ქალაქში დაბრუნებას 18:00-დან 19:00 საათამდე შეძლებს. ამისთვის აუცილებელი პირობაა – სოფლის მეურნეობის სამინისტროს სპეციალური ნებართვის მიღება.

აღნიშნული ნებართვის მისაღებად საჭიროა ქალაქიდან გასვლამდე 12 საათით ადრე მოქალაქემ უწყების ვებ-გვერდზე სპეციალური ფორმა შეავსოს.

განცხადების საფუძველზე სამინისტრო ერთჯერად ან მრავალჯერად საშვს გასცემს.

ბათუმის, რუსთავისა და ქუთაისის მცხოვრებლებმა კი ანალოგიური ნებართვის მისაღებად რეგიონულ შტაბებს უნდა მიმართონ.

როგორც ფერმერები აცხადებენ, დარგის სპეციფიკიდან და აგროვადებიდან გამომდინარე, კარგი მოსავლის მისაღებად ძალზე მნიშვნელოვანია სამუშაოები საჭირო დროს და საჭირო თანმიმდევრობით ჩატარდეს.

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. 21 მარტიდან ქვეყანაში საგანგებო მდგომარეობა მოქმედებს. ამ დროისთვის ინფიცირებულთა რაოდენობამ 517-ს მიაღწია, გამოჯანმრთელდა 168 ადამიანი, გარდაიცვალა 6 პაციენტი.

ყველა ახალი ამბავი
0