Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ტიკარაძე: საველე ჰოსპიტლები გაიხსნება ყველგან, სადაც ამის საჭიროება იქნება

© Sputnik / Alexander Imedashviliსაველე ჰოსპიტალი
საველე ჰოსპიტალი - Sputnik საქართველო
გამოწერა
ჯანდაცვის მინისტრის განცხადებით, ვირუსის წინააღმდეგ ბრძოლის თვალსაზრისით ქვეყანაში მზადყოფნის დონე დამაკმაყოფილებელია.

თბილისი, 10 აპრილი — Sputnik. საველე ჰოსპიტლები გაჩნდება ყველგან, სადაც ამის აუცილებლობა დადგება, განაცხადა საქართველოს ჯანდაცვის მინისტრმა ეკატერინე ტიკარაძემ ბრიფინგზე.

მისი სიტყვებით, ქვეყნის ყველა იმ რეგიონში, სადაც საველე ჰოსპიტლების გახსნის აუცილებლობა დადგება, ისინი გაიხსნება და იმუშავებენ, როგორც ცხელების კლინიკები. 

პოლიცია და მედიკები - Sputnik საქართველო
ტიკარაძე: დღევანდელი რეალობა მოვლენების განვითარების საუკეთესო სცენარს ემთხვევა

„მომავალში იქ, სადაც ამის საჭიროება იქნება, ჩვენ ასევე მოვახდენთ საველე ჰოსპიტლების გაშლას. დეტალურად გვაქვს შესწავლილი ჰოსპიტალური განვითარების ქსელი და იმ მოცემულობიდან ვმოქმედებთ, რომელიც ჩამოყალიბებულია უკვე წლების განმავლობაში საქართველოში ჰოსპიტლების ქსელთან მიმართებაში“, – განაცხადა მინისტრმა.

ტიკარაძემ ასევე აღნიშნა, რომ ქვეყანაში არსებობს სუსტი წერტილები და ასეთი რეგიონი საქართველოში რამდენიმეა. მთავრობა ამ რეგიონების გაძლიერებას გეგმავს როგორც საველე ჰოსპიტლების დახმარებით, ისე პაციენტების მეზობელ რეგიონებში გადანაწილებით, სადაც გაცილებით უკეთესი მდგომარეობაა როგორც სტაციონარებში საწოლების, ისე ხელოვნური სუნთქვის აპარატებისა და სპეციალისტების რაოდენობით.  

ტიკარაძემ აღნიშნა, რომ ვირუსის წინააღმდეგ ბრძოლის თვალსაზრისით ქვეყანაში მზადყოფნის დონე დამაკმაყოფილებელია.

მთავრობის სპეციალურ ვებ-გვერდზე stopcov.ge გავრცელებული ინფორმაციის თანახმად, საქართველოში კორონავირუსით ინფიცირებულთა რაოდენობამ 230-ს მიაღწია, გამოჯანმრთელდა 52, გარდაიცვალა 3. კარანტინში იმყოფება 4908, ექიმების მეთვალყურეობის ქვეშ 430 პაციენტია.

ყველა ახალი ამბავი
0