Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

„ეს პირობითია“ – გახარია კორონავირუსთან დაკავშირებული პროგნოზების შესახებ

© Sputnik / Shota Nozadzeსასწრაფო დახმარება
სასწრაფო დახმარება - Sputnik საქართველო
გამოწერა
პრემიერის სიტყვებით, დღეს ქვეყანა ინფექციის შიდა გადაცემის ეტაპზე იმყოფება და ეპიდემიოლოგებისთვის ჯერჯერობით რთულია პიკის დადგომის ზუსტი პერიოდის დასახელება.

თბილისი, 9 აპრილი — Sputnik. საქართველოში კორონავირუსის გავრცელების პიკს აპრილის ბოლოს - მაისის დასაწყისში უნდა ველოდოთ, თუმცა, არსებული გამოწვევების გათვალისწინებით, ყველა პროგნოზი პირობითია, განაცხადა საქართველოს პრემიერ-მინისტრმა გიორგი გახარიამ ჟურნალისტებთან. 

ლაბორატორიული კვლევა - Sputnik საქართველო
საქართველოში კორონავირუსით ინფიცირებულთა რაოდენობა 214-მდე გაიზარდა

გახარიას სიტყვებით, დღეს ქვეყანა ინფექციის შიდა გადაცემის ეტაპზე იმყოფება და ეპიდემიოლოგებისთვის ჯერჯერობით რთულია პიკის დადგომის ზუსტი პერიოდის დასახელება.

„პიკს ველოდებით აპრილის ბოლოს, მაისის დასაწყისისკენ. თუმცა, ყველას კარგად უნდა გვესმოდეს, ეს ისეთი გამოწვევაა არა მხოლოდ საქართველოსთვის, არამედ მსოფლიოსთვის, რომ აქ ყველანაირი პროგნოზი არის პირობითი. ყველაზე დიდი გამოწვევა გახლავთ ის, რომ ჩვენ – მთავრობები, მოქალაქეები, სახელმწიფო ინსტიტუტები, სამოქალაქო სექტორი ვმოქმედებთ ყოველდღიურობის პირობებში და, სამწუხაროდ, ზუსტი პროგნოზების გაკეთების საშუალება ჯერ არ გვაქვს. ეს არის ყველაზე დიდი გამოწვევა როგორც მოქალაქისთვის, ასევე მთავრობისა და ეკონომიკისთვის“, - განაცხადა გიორგი გახარიამ.

მთავრობის ვებ-გვერდზე stopcov.ge გავრცელებული ინფორმაციის თანახმად, საქართველოში კორონავირუსით ინფიცირებულთა რაოდენობამ 214-ს მიაღწია. გამოჯანმრთელდა 50, გარდაიცვალა 3. კარანტინში იმყოფება 4 722  ადამიანი, ექიმების მეთვალყურეობის ქვეშ 408 პაციენტია.

ყველა ახალი ამბავი
0