Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ექიმები ექიმებისთვის – თბილისის რესპუბლიკურ საავადმყოფოს სპეცინვენტარი გადაეცა

© photo: Sputnik / Stringerთბილისის რესპუბლიკური საავადმყოფო
თბილისის რესპუბლიკური საავადმყოფო - Sputnik საქართველო
გამოწერა
რესპუბლიკურმა საავადმყოფომ NITROCARE-ის ფირმის სამედიცინო დანიშნულების ათი ელექტროფუნქციური საწოლი საჩუქრად ერთ-ერთი კლინიკისგან მიიღო.

თბილისი, 9 აპრილი — Sputnik. თბილისის ერთ-ერთმა სამშობიარო სახლმა – გაგუას კლინიკამ რესპუბლიკურ საავადმყოფოს ათი სამედიცინო ელექტროფუნქციური საწოლი გადასცა, ნათქვამია კლინიკის Facebook-გვერდზე.

საქართველოს ერთ-ერთი მსხვილი სამედიცინო დაწესებულება – თბილისის რესპუბლიკური საავადმყოფო საკარანტინო ზონად გამოცხადდა, სადაც კორონავირუსის სიმპტომების მქონე პაციენტებს ათავსებენ. 

ლაბორატორიული კვლევა - Sputnik საქართველო
საქართველოში კორონავირუსით ინფიცირებულთა რაოდენობა 214-მდე გაიზარდა

„ქვეყნისთვის უმწვავესი გამოწვევის ფონზე გაგუას კლინიკამ მიიღო გადაწყვეტილება, კორპორაციული სოციალური პასუხისმგებლობის ფარგლებში კორონავირუსის წინააღმდეგ ბრძოლის მხარდასაჭერად რესპუბლიკური საავადმყოფოს საჩუქრად გადასცეს NITROCARE-ის ფირმის სამედიცინო დანიშნულების ელექტროფუნქციური საწოლები“, – ნათქვამია განცხადებაში.

გაგუას კლინიკა ამ ფორმით გამოხატავს საზოგადოებისა და სამედიცინო პერსონალისადმი მხარდაჭერას.

„ეპიდემიის დასამარცხებლად თითოეული ჩვენგანის სოციალური პასუხისმგებლობის გააზრებას გადამწყვეტი მნიშვნელობა ენიჭება და მასთან ბრძოლა შესაძლებელია მხოლოდ ერთობლივად, საზოგადოების, ბიზნესისა და სახელმწიფოს ძალისხმევით“, – ნათქვამია განცხადებაში.

რესპუბლიკური საავადმყოფოს სამედიცინო პერსონალმა სპეციალური ტრენინგები გაიარა და პაციენტებთან დაკავშირებით ინსტრუქციები მიიღო, რათა ინფიცირების რისკი მინიმალური იყოს.

სამთავრობო ვებ-გვერდის stopcov.ge ცნობით, საქართველოში კორონავირუსით ინფიცირებულთა რაოდენობამ 214-ს მიაღწია, გამოჯანმრთელდა 50. გარდაიცვალა 3. კარანტინში იმყოფება 4 559,  ექიმების მეთვალყურეობის ქვეშ 353 პაციენტია.

კორონავირუსის პანდემიასთან დაკავშირებით საქართველოს მთელ ტერიტორიაზე საკარანტინო რეჟიმი გამოცხადდა. გადაწყვეტილება ძალაში 31 მარტიდან შევიდა. ამასთან, 21:00 საათიდან 06:00 საათამდე კომენდანტის საათი მოქმედებს.

ყველა ახალი ამბავი
0