02:13 04 ივნისი 2020
პირდაპირი ეთერი
  • EUR3.4087
  • 100 RUB4.4290
  • USD3.0416
საზოგადოება
მოკლე ბმულის მიღება
COVID-19 საქართველოში (918)
11420

სააღდგომოდ იერუსალიმიდან თბილისში წმინდა ცეცხლი ჩამოაქვთ. გამონაკლისი არც წლევანდელი დღესასწაული იქნება.

თბილისი, 7 აპრილი — Sputnik. აღდგომის დღესასწაულზე ავიაკომპანია Georgian Airways ისრაელიდან არა მარტო საქართველოში დაბრუნების მსურველ თანამემამულეებს ჩამოიყვანს, არამედ წმინდა ცეცხლს ჩამოიტანს, იუწყება ტელეკომპანია Imedi.

ავიაკომპანიის დირექტორის რომან ბოკერიას განცხადებით, 7 აპრილიდან სპეცრეისების შესრულებისას თვითმფრინავის ბორტზე საქართველოს კათოლიკოს-პატრიარქის ილია მეორის მიერ ნაჩუქარი ხატი იქნება დაბრძანებული. 

„დღეს პატრიარქმა Georgian Airways-ის სახელზე ნაკურთხი ხატი გვაჩუქა. 7 აპრილს ხატი უკვე აბრძანდება ჩვენს ბორტზე და იფრენს ყოველ იმ რეისთან ერთად, რომლითაც ჩამოგვყავს საქართველოს მოქალაქეები. 19 აპრილს აღდგომის ცეცხლის ჩამოსატანად ჩვენთან ერთად იქნება ორი სასულიერო პირი, ჩამოვიტანთ ცეცხლს და ასევე დავაბრუნებთ ისრაელში დარჩენილ ჩვენს მოქალაქეებს“, – განაცხადა ბოკერიამ.

საქართველოს საგარეო საქმეთა სამინისტროს ძალისხმევით ამ დროისათვის ევროპიდან სამშობლოში ხუთი ათასზე მეტი ქართველი დაბრუნდა. უცხოეთში დარჩენილმა ათასამდე მოქალაქემ კი მსოფლიოს 40 ქვეყანაში საქართველოს მთავრობისგან დახმარება მიიღო.

მართლმადიდებლური სამყარო 19 აპრილს აღდგომის დღესასწაულს აღნიშნავს. ეს ერთ-ერთი ყველაზე მასშტაბური დღესასწაულია საქართველოში – ათასობით მორწმუნე აღდგომის ღამეს ტაძრებში ხვდება. თუმცა, წელს ქვეყანაში საგანგებო მდგომარეობა და კომენდანტის საათი მოქმედებს. როგორ მოხდება აღდგომის აღნიშვნა, ჯერჯერობით უცნობია.

თემები:
COVID-19 საქართველოში (918)

მთავარი თემები