საქართველოში კორონავირუსისგან კიდევ სამი პაციენტი განიკურნა

© Sputnik / Vladimir Umikashviliმარინა ეზუგბაია
მარინა ეზუგბაია - Sputnik საქართველო
გამოწერა
თბილისის ინფექციურ საავადმყოფოში კორონავირუსით ინფიცირებული 39 პაციენტი იმყოფება. ჯამურად, პირველი დღიდან დღემდე – 59 პაციენტი. აქედან გუშინ საღამოს საიმ პაციენტის ტესტი უარყოფითი აღმოჩნდა და სამმა პაციენტმა დღის განმავლობაში დატოვა კლინიკა

თბილისი, 2 აპრილი – Sputnik. კორონავირუსისგან გამოჯანმრთელებულმა კიდევ სამმა პაციენტმა კლინიკა უკვე დატოვა, განაცხადა თბილისის ინფექციური საავადმყოფოს სამედიცინო დირექტორმა, მარინა ეზუგბაიამ.

ტესტები - Sputnik საქართველო
აფხაზეთიდან ზუგდიდში გადაყვანილ მამაკაცსა და ორ მცირეწლოვანს კორონავირუსი არ დაუდასტურდა

ამ დროისათვის საქართველოს მასშტაბით გამოჯანმრთელდა 26 ადამიანი, აქედან 22 -  თბილისის ინფექციურ საავადმყოფოში, კარანტინის რეჟიმში იმყოფება 5550 ადამიანი, ხოლო სტაციონარებში დაკვირვების ქვეშ 281 პაციენტია.

„ქვეყანაში იყო 130 შემთხვევა და საღამოს მხოლოდ ერთი დაგვემატა, 131 დადასტურებულია. აქედან ჩვენს ცენტრს შემოემატა დღეს ხუთი დადასტურებული შემთხვევა. ესენი არ არიან ახლები, 130 არსებული შემთხვევების ნაწილია, რომლებიც ჩვენთან მივიღეთ. ამ ეტაპზე გვყავს 39 დადასტურებული პაციენტი. ჯამურად, პირველი დღიდან აქამდე – 59 პაციენტი. აქედან გუშინ საღამოს ტესტით სამ პაციენტს დაუდასტურდა გამოჯანმრთელება და სამმა პაციენტმა დღის განმავლობაში დატოვა ცენტრი“ , – აღნიშნა ეზუგბაიამ.

საქართველოს მთავრობამ 31 მარტიდან ქვეყანაში საყოველთაო კარანტინის რეჟიმი დააწესა. ასევე ამოქმედდა კომენდანტის საათი 21:00-დან 06:00 საათამდე. 21 მარტიდან საქართველოში მოქმედებს საგანგებო მდგომარეობა

ყველა ახალი ამბავი
0