06:30 06 ივნისი 2020
პირდაპირი ეთერი
  • EUR3.3476
  • 100 RUB4.2963
  • USD2.9562
საზოგადოება
მოკლე ბმულის მიღება
კორონავირუსმა საქართველომდეც მოაღწია: ბოლო ცნობები (849)
74 0 0

აღნიშნული ფაქტი მეორე შემთხვევაა, როდესაც ბოლნისში მცხოვრებ ორსულ ქალს კორონავირუსი დაუდგინდა. პირველი ორსული მკურნალობის კურსს თბილისის ერთ-ერთ კლინიკაში გადის და მისი ჯანმრთელობის მდგომარეობა სტაბილურია.

თბილისი, 2 აპრილი – Sputnik. ბოლნისის მუნიციპალიტეტიდან თბილისის საუნივერსიტეტო კლინიკაში გადაყვანილ 19 წლის ორსულ ქალს კორონავირუსი დაუდასტურდა, განაცხადა ქვემო ქართლის გუბერნატორმა შოთა რეხვიაშვილმა საზოგადოებრივი მაუწყებლის პირველ არხზე

კორონავირუსის გავრცელების თავიდან აცილების მიზნით ბოლნისის მუნიციპალიტეტის სოფელი ქვემო ბოლნისი 1 აპრილიდან სრულად ჩაკეტეს. ამ დროისათვის სოფელი იზოლირებულია. რაიონის ადმინისტრაციის ცნობით, ბოლნისის მუნიციპალიტეტში დადასტურებული 3 შემთხვევიდან 2 ინფიცირებული სწორედ ქვემო ბოლნისის მცხოვრებია.

გუბერნატორის განცხადებით, ამ დროისათვის საველე ჰოსპიტალში 17 ადამიანია მოთავსებული.

„19 წლის ორსული გადაყვანილია პირველ საუნივერსიტეტო კლინიკაში. ესენი არიან ოჯახის წევრები და ოთხივე ფაქტი, რაც (რეგიონში) უკვე დადასტურდა, პირველ ფაქტთან არიან დაკავშირებული – აზერბაიჯანში მოგზაურობის ისტორიით და კონტაქტებით“, – განაცხადა რეხვიაშვილმა.

მისი თქმით, სოფელ ქვემო ბოლნისის მოსახლეობა 11 ათასს აღწევს, კარანტინის პირობებში მათ სჭირდებათ შესაბამისი რეჟიმით მართვა, მედიკამენტებითა და პროდუქტებით მომარაგება. 

„ლიბერთი ბანკის“ ორი სატრანსპორტო საშუალება უკვე გადავიდა ბლოკ-საგუშაგოზე. ერთი მიემართება ქვემო ბოლნისში, რათა შესაბამისი სტანდარტის დაცვით მოსახლეობამ მიიღოს ფულადი სახსრები. ყველა ზომა მიღებულია და ის ეტაპობრივად იქნება უზრუნველყოფილი პროდუქტებით. რაიმე სახის კრიზისი და დეფიციტი არ შეიქმნება“, – განაცხადა რეხვიაშვილმა.

აღნიშნული ფაქტი მეორე შემთხვევაა, როდესაც ბოლნისში მცხოვრებ ორსულ ქალს კორონავირუსი დაუდგინდა. პირველი ორსული მკურნალობის კურსს თბილისის ერთ-ერთ კლინიკაში გადის და მისი ჯანმრთელობის მდგომარეობა სტაბილურია.

მარნეული და ბოლნისი, რომლის მოსახლეობის დიდ ნაწილს ეთნიკური აზერბაიჯანელები შეადგენენ, საქართველოში პირველი მუნიციპალიტეტები აღმოჩნდა, სადაც კარანტინი გამოცხადდა. ამ დროისთვის საკარანტინო რეჟიმი ქვეყნის მთელ ტერიტორიაზე მოქმედებს.

21 აპრილამდე საქართველოში ასევე გამოცხადებულია საგანგებო მდგომარეობა და კომენდანტის საათი.

ქვეყანაში ამ დროისთვის კორონავირუსით ინფიცირების 130 შემთხვევაა დაფიქსირებული. გამოჯანმრთელდა 26 ადამიანი.

თემები:
კორონავირუსმა საქართველომდეც მოაღწია: ბოლო ცნობები (849)

მთავარი თემები