17:59 02 ივნისი 2020
პირდაპირი ეთერი
  • EUR3.4626
  • 100 RUB4.4772
  • USD3.1172
საზოგადოება
მოკლე ბმულის მიღება
კორონავირუსმა საქართველომდეც მოაღწია: ბოლო ცნობები (849)
91 0 0

ჩინეთში უკვე წარმატებით შეეცადნენ ინციფირებულთა პლაზმოთერაპიით  განკურნებას და ამ მეთოდს ერთ–ერთი ყველაზე წარმატებული უწოდეს.

თბილისი, 1 აპრილი — Sputnik.  ქართველი ინფექციონისტები კორონავირუსით ინფიცირებულთა სამკურნალოდ სისხლის პლაზმის გამოყენების თაობაზე ფიქრობენ.

როგორც დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძემ ბრიფინგზე განაცხადა, ვაქცინის არარსებობის პირობებში მსოფლიოს მედიკოსები პაციენტების მკურნალობისას სხვადასხვა მეთოდს მიმართავენ.  ჩინეთში უკვე წარმატებით შეეცადნენ ინციფირებულთა პლაზმოთერაპიით  განკურნებას და ამ მეთოდს ერთ–ერთი ყველაზე წარმატებული უწოდეს. 

 „აღნიშნული მეთოდით მკურნალობისთვის კონკრეტული ინფექციისგან, მათ შორის, კორონავირუსისგან გამოჯანმრთელებული ბევრი ადამიანის სისხლია საჭირო. ეს მეთოდი საკმაოდ მიღებულია და ამის თაობაზე ფიქრობენ ჩვენი კოლეგა–ინფექციონისტები“, – განაცხადა იმნაძემ.

მისი განმარტებით, მკურნალობის ასეთი მეთოდი მძიმე დაავადებების დროს გამოიყენება. ბოლოს იგი ყირიმ–კონგოს ცხელების დროს გამოიყენეს.

 „ეს არის საკმაოდ მიღებული მეთოდი. საქართველოში ეს მეთოდი ჩვენ გამოყენებული გვაქვს.  მას ძველ დროშიც იყენებდნენ,  მაგრამ ბოლოს მძიმე დაავდების დროს იყო, როდესაც ყირიმ-კონგოს ცხელების დროს ინფექციურმა საავადმყოფომ გამოიყენა“, – განაცხადა იმნაძემ.

ბოლო მონაცემებით, ქვეყანაში კორონავირუსით ინფიცირებულთა რაოდენობამ 115–ს მიაღწია, გამოჯანმრთელდა 23. კარანტინში იმყოფება 5783, ხოლო სტაციონარში მეთვალყურეობის ქვეშ 301 ადამიანი.

თემები:
კორონავირუსმა საქართველომდეც მოაღწია: ბოლო ცნობები (849)

მთავარი თემები