თბილისი, 1 აპრილი – Sputnik. საქართველოში კორონავირუსისგან ამ დროისთვის 23 ადამიანი განიკურნა. ინფორმაცია ამის შესახებ ცოტა ხნის წინ მთავრობის მიერ შექმნილ სპეციალურ ვებ-გვერდზე stopcov.ge გამოქვეყნდა.
ამ დროისათვის კორონავირუსით ინფიცირების დადასტურებული შემთხვევების რაოდენობა 115-მდე გაიზარდა, კარანტინის რეჟიმში მყოფთა რიცხვია – 5783, ხოლო სტაციონარებში მეთვალყურეობის ქვეშ 301 პაციენტია.
საქართველოს მთავრობამ 31 მარტიდან ქვეყანაში საყოველთაო კარანტინის რეჟიმი დააწესა. ასევე ამოქმედდა კომენდანტის საათი 21:00-დან 06:00 საათამდე. 21 მარტიდან საქართველოში მოქმედებს საგანგებო მდგომარეობა.
