ქართული შოუ-ბიზნესის ერთ-ერთი ყველაზე გამორჩეული ვარსკვლავი ჯანსაღი ცხოვრების წესს მისდევს. აქტიური ტელეწამყვანი 38 წლის ასაკში შეუდარებლად გამოიყურება. მიუხედავად იმისა, რომ მუდმივი გადაღებები და დატვირთული ცხოვრება აქვს, საკუთარი ფორმების შენარჩუნებაზე ზრუნავს. წლებია ვარჯიშითა და იოგით არის დაკავებული. თიკა ფაცაცია თანატოლ ქალბატონებს შორის დიდ ინტერესს არა მხოლოდ გარეგნობით, არამედ დახვეწილი საუბრითა და მანერებით იქცევს. მის მიერ გამოქვეყნებული სურათები სოციალურ ქსელში თაყვანისმცემლების აღფრთოვანებას იწვევს.
ტელესახეს სამი ვაჟი ჰყავს. თიკა ფაცაცია ადრეულ ასაკში დაოჯახდა და ვარსკვლავებს შორის ერთ-ერთი ყველაზე მყარი ოჯახი შექმნა. მისი მეუღლე მასზე წლებით დიდია და ტელეეკრანებზე გამოჩენა არ უყვარს. ცნობილი სელებრითი აღნიშნავს, რომ მისი მოტივატორი ბიზნესმენი მეუღლე დავით ანთელიძეა. უმცროსი ვაჟების ძველი ფოტო თიკამ საკუთარ Instagram-ზე გამოაქვეყნა.
2015 წელს გადაღებულ სურათი აქტუალობას არ კარგავს. ძმები ერთმანეთს ერთ „ბუბლიკს“ უნაწილებენ. 2015 წლის მერეც იგივე სიტუაცია გამეორდა. თიკა ფაცაციას წარწერა სურათზე – „დღეს დილასაც იგივე განმეორდა. ნახევარი შემორჩენილი „ბუბლიკი“ თანაბრად გაინაწილეს“.
