15:59 06 ივლისი 2020
პირდაპირი ეთერი
  • EUR3.4221
  • 100 RUB4.2811
  • USD3.0465
საზოგადოება
მოკლე ბმულის მიღება
48 0 0

როგორც რეგიონული განვითრებისა და ინფრასტრუქტურის სამინისტროში აცხადებენ, პროექტის დასრულების შემდეგ, კახეთში მიუსაფარი ცხოველების პრობლემა სრულად მოგვარდება.

თბილისი, 28 თებერვალი — Sputnik. გურჯაანში უპატრონო ცხოველებისთვის თავშესაფარი შენდება.

პროექტს საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ახორციელებს.

დიდი რაოდენობით მიუსაფარი ცხოველების მომრავლებას ადგილობრივი ხელისუფლება კახეთის რეგიონისთვის განსაკუთრებით მწვავე პრობლემად მიიჩნევს. მუნიციპალიტეტებში ეპიდემიებისა და დაავადებების გავრცელების დიდი რისკია.

ცხოველთა თავშესაფარი შემოღობილ ტერიტორიაზე განთავსდება და ადმინისტრაციული და კარანტინის შენობებით, ვეტერინარული კლინიკით, ლაბორატორიით, ვოლიერებითა და ყველა სხვა აუცილებელი ინფრასტრუქტურით აღიჭურვება.

გარდა ამისა, 24-საათიან რეჟიმში იმუშავებს call-ცენტრი, რომლის მეშვეობითაც მოხდება გამოძახება ცხოველების გადასაყვანად.

თავშესაფრის თანამშრომლები შეეცდებიან ცხოველის პატრონის მოძიებასა დაა ცხოველისთვის ახალი პატრონის პოვნას.

გარდა ამისა, თავშესაფრის თანამშრომლები ცხოველთადაცვით ორგანიზაციებთან ერთად, ცხოველებზე ზრუნვისკენ მიმართული საინფორმაციო კამპანიებს ჩაატარებენ.

როგორც რეგიონული განვითრებისა და ინფრასტრუქტურის სამინისტროში აცხადებენ, პროექტის დასრულების შემდეგ, კახეთში მიუსაფარი ცხოველების პრობლემა სრულად მოგვარდება.

პროექტი საქართველოს მთავრობის დაფინანსებით ხორციელდება.

მთავარი თემები